Qazaqstan jol ǵylymı-zertteý ınstıtýtynyń prezıdenti Arman Álibaeva Memleket basshysy halyqqa arnaǵan Joldaýynda Indýstrııa jáne ınfraqurylymdyq damý mınıstrligine elimizdegi avtomobıl joldarynyń sapasyn arttyrý boıynsha aýqymdy mindetter júktegenin atap ótti. Osyǵan baılanysty jol salasynda qyzmet etip júrgen otandyq ǵalymdarǵa jańa tehnologııalardy ázirleý, sonymen birge ınnovasııalyq materıaldardy, avtojoldar men kópirlerdi jóndeý, olardyń qurylysy jáne jobalaý ádisterin transfertteý, synaqtan ótkizý jáne júıeleý jónindegi jumysty kúsheıtý tapsyryldy.
– Joldardyń sapasy kóbinese qurylys materıaldaryna baılanysty bolady. Sondyqtan Qazaqstan jol ǵylymı-zertteý ınstıtýty jańa tehnologııalar men jol-qurylys materıaldarynyń biryńǵaı bazasyn ázirleýde. Oǵan karerlerden alynǵan synamalardy zerthanalyq zertteý jáne tájirıbelik ýchaskelerde jańa tehnologııalardy synamalaý nátıjelerin engizý josparlanyp otyr. Karerlerdiń geografııalyq aqparattyq júıe kartasy, olardyń qorlarynyń sapalyq jáne sandyq kórsetkishteri bar jol-qurylys materıaldarynyń tizilimi, sondaı-aq olardy eldiń belgili bir klımattyq aımaqtarynda qoldaný jónindegi usynystary bar jańa tehnologııalar reıtıngi qalyptastyrylatyn bolady, – deıdi A.Álibaeva.
Sondaı-aq ol joldardyń qurylysy jáne jóndeý jumystary boıynsha jobalyq-smetalyq qujattama ázirleý kezinde jobalaý uıymdary tek biryńǵaı bazaǵa engizilgen jol-qurylys materıaldary men tehnologııalaryn ǵana paıdalanýǵa mindetti ekenin aıtty.
– Qazir jobalarǵa ǵylymı saraptama júrgizýge jáne jol salasy ǵylymyn damytýǵa qurylys-montajdaý jumystarynyń qunynan 0,5 paıyz bólý máselesi zerdelenýde. Osylaısha, jobalar men qurylys nysandarynda jańa tehnologııalardyń qoldanylýy baqylaýda bolady, – dedi ol.
Taqyryptyq semınar barysynda asfaltty, sementbeton jabyndaryn jóndeý, qalpyna keltirý jáne qaıta óńdeýdiń jańa tehnologııalary men ádisteriniń keń aýqymy qamtyldy. Spıkerler avtomobıl joldaryn kútip ustaý jáne jóndeý salasyndaǵy ınnovasııalyq ázirlemeler jáne olardy tájirıbe barysynda qoldaný týraly aıtyp berdi. Qatysýshylardyń nazaryna plıtalardyń shógýi men synyqtardy jóndeý, jabynnyń deformasııalyq tigisterdi germetızasııalaýdy qalpyna keltirý, jol tańbalarynyń saqtalýyn qamtamasyz etý, sondaı-aq kóktaıǵaq týraly aldyn ala habarlaý júıesi, ıkemdi beton tósenishterin qoldana otyryp, joldar men kópirlerdiń betkeılerin nyǵaıtý tehnıkasy usynyldy.
Mundaı formattaǵy semınarlardy Qazaqstannyń barlyq óńirinde ótkizý josparlanyp otyr.
