Senatorlar respýblıkalyq bıýdjet jobasyn Palata qabyrǵasynda qaraý kezinde oǵan júzden astam usynys engizdi.
Depýtattar aýyldaǵy ómirdi jaqsartý úshin aýyl joldary men kópirlerin salýǵa jáne jóndeýge qosymsha 13,7 mlrd teńge bólýdi usynǵan.
Sondaı-aq sýmen jabdyqtaý máselesi de depýtattardyń nazarynan tys qalmapty: sý qubyry jelisin salýǵa jáne jańǵyrtýǵa qosymsha 22,2 mlrd teńge bólindi. Osynyń arqasynda qala turǵyndarynyń 99%-y jáne aýyl turǵyndarynyń 96%-y taza aýyz sý alatyn boldy.
Senatorlar gazdandyrý máselesine de kóńil aýdaryp, gazben jabdyqtaýǵa qosymsha 14 mlrd teńge bólý jóninde usynystar engizdi.
Bul týraly Senat otyrysynda Qarjy jáne bıýdjet komıtetiniń tóraǵasy Serikbaı Trumov aıtty.
«Osy zań jobasyn talqylaý barysynda turaqty komıtetter men depýtattardan ózgerister men tolyqtyrýlar engizý jóninde 113 usynys tústi. Úsh jyldyq kezeńge barlyǵy 71,8 mlrd teńge somanyń, onyń ishinde 2023 jylǵa 30,0 mlrd teńgeniń usynysy qoldaý tapty. Úkimet rezervin qaıta bólý esebinen shyǵystar ulǵaıatyn bolady», dedi Serikbaı Trýmov.
