2022 jyldyń 1 qazanynan bastap jylytý kezeńi bastaldy. Jylytý maýsymynda azamattardyń qaza bolý qaýpin azaıtý úshin mınıstrlik birqatar shara qabyldady. Birinshi kezekte, respýblıka boıynsha halyqtyń áleýmettik osal toptarynyń sanyn esepteý aıaqtaldy. Olar kópbalaly, az qamtylǵan otbasylar, zeınetkerler men múgedekter. Olarǵa keıin ataýly kómek kórsetiledi. О́ńirde olardyń sany 25 myńnan asady.
Ekinshisi-jylytý maýsymy boıy júrgiziletin turǵyn úı sektoryndaǵy profılaktıka. Munda azamattarǵa peshterdi, elektr jabdyqtaryn paıdalaný, sondaı-aq gaz jabdyqtary men ballondardy durys paıdalaný jáne saqtaý boıynsha ádistemelik kómek kórsetiledi. Mınıstr bul rette mınıstrliktiń ádistemelik kómek kórsetetine basa nazar aýdardy.
Búgingi tańda qyzmetkerler oblys boıynsha 70 myńǵa jýyq úıdi aralady. 68 myńnan astam órt qaýipsizdigi buzýshylyǵy anyqtaldy, 23 myńnan astam oqıǵa ornynda joıyldy, qalǵandary boıynsha usynystar berildi.
«Oblys boıynsha ákimdikpen jáne úkimettik emes uıymdarmen birlesip qosymsha 35 myńǵa jýyq datchık ornatyldy. Olar qaýip týraly aldyn ala habardar etedi jáne azamattardyń qaza bolýyna jol bermeıdi. Jyl sońyna deıin bir jarym myń datchık ornatý josparlanýda», dedi TJ mınıstri Iýrıı Ilın.
