«Men bul qylmystyq oqıǵaǵa qatysqan joqpyn. Zańǵa sáıkes sot meni tek aqtaýy múmkin», dedi Hamenova sot aldynda.
Eske salaıyq, Atyraý oblysy ákiminiń burynǵy orynbasary Baqytgúl Hamenovaǵa bir top adamnan aldyn ala sóz baılasý arqyly para aldy degen aıyp taǵylǵan edi. Osy bap boıynsha oblystyq mádenıet basqarmasynyń burynǵy basshysy Aqylbek Rysqalıev te qamaýǵa alynǵan.
Al úshinshi sottalýshy «Balqytý» JShS dırektory О́mirtaı Adamov memlekettik fýnksııalardy oryndaýǵa ýákilettik berilgen adamǵa iri mólsherde para berdi dep aıyptaldy.
2021 jylǵy 11 jeltoqsanda Atyraý oblysy ákiminiń orynbasary Baqytgúl Hamenovanyń ustalǵany týraly belgili boldy.
2021 jyldyń 12 jeltoqsanynda Hamenova úı qamaǵyna alyndy. Sot onyń «jalǵyzbasty áıel» ekenin, eki balany tárbıelep otyrǵanyn, olardyń biri bala kezinen múgedek ekenin, asyraýynda qart anasy baryn eskerdi.
2021 jyldyń 23 jeltoqsanynda Hamenova tergeý ızolıatoryna aýystyryldy.
