Jol apaty kóliktiń baǵdarlamalyq jasaqtamasynyń durys jumys istemeı qalýynan týyndaǵan. Sonyń kesirinen kólik maksımaldy jyldamdyqqa aýysyp, basqarylmaıtyn júıege túsip qalǵan. Polısııa oqıǵaǵa qatysty tergeýdi bastady.
Oqıǵa Chjan esimdi júrgizýshi Tesla Model-Y kóligin turaqqa qoıyp jatqan sátte bolǵan. Júrgizýshi túsiniksiz jaǵdaıda basqarýdy joǵaltyp alǵan. Mashına joǵary jyldamdyqpen júrip bara jatqanda eki motosıklshi men velosıpedshini soǵyp ótken. Júrgizýshi birneshe ret tejegishti basyp kólikti toqtatpaq bolǵan. Biraq odan nátıje shyqpaǵan.
Júrgizýshi alkogol nemese esirtki qoldanbaǵan. Tesla kompanııasy kólikke tekserý júrgizýge, sondaı-aq zardap shekkenderdiń otbasylaryna qajetti kómek kórsetýge ýáde berdi.
