Qoǵam • 15 Qarasha, 2022

Otyn qory jetkilikti

36 ret kórsetildi

О́ńirde qatal qystyń synyna qapysyz daıyndyq jasalyp, qazandyqtarǵa qajetti otyn men kómir kúni buryn mejelengen jospar boıynsha jetkizilip jatyr.

Qysy uzaq óńirde otyndy er­terek qamdap alǵan abzal. Ar­qanyń aptalap soǵatyn aq bo­rany men úskirik aıazy arqany keńge salýǵa múmkindik bere qoı­maıtynyn el jaqsy biledi. Ob­lysqa qysqy maýsymǵa qajetti kómir kólemi 1 mln 321 myń tonnany quraıdy. Keı jyldary qazandyqqa qajetti kómir men mazýt ýaqtyly jetkizilmeı, el­diń arqasyn aıaz qaryǵandaı alań­daıtyn ýaqyty da bolǵan. Qatal qys jaıbasarlyqty keshir­meı­di. Sońǵy jyldary bul tarapta aýqymdy qıyndyq bola qoıǵan joq. Bıyl da erterek qamdanǵandyqtan, qajetti qor ýaqtyly jınaqtalýda. Oblystyń kommýnaldyq salasyna 490 myń tonna kómir qajet bolsa, bú­gin­ge deıin onyń 57 paıyzy jet­kizildi. Bıýdjettik salalar da tyńǵylyqty daıyndaldy. О́ńir­diń bilim berý, densaýlyq saqtaý, áleýmettik jáne kommý­nal­dyq salalaryna energııa resýrstaryn qajetinshe jetkizý úshin aldyn ala kelisimsharttar jasalǵan. Bul jumys aldyn ala túzilgen keste boıynsha júrgizilip keledi. Qazir qazandyqtarda eki aıǵa erkin jetetin otyn qory bar. Joǵaryda aıtqan salalarǵa jylytý maýsymyna jospar boıynsha 118,4 myń tonna qajet bolatyn bolsa, 117,1 myń tonna kómir jetkizilgen.

Oblys ortalyǵyn jylýmen qamtamasyz etetin «Kókshetaý jylý» mekemesiniń 20 kúndik qa­jettiligi 40 myń tonna bolsa, qazir munda 50 myń tonna qor bar. Stepnogor jylý elektr orta­ly­ǵy­na 20 kúnge 52 myń tonna kómir qajet bolsa, dál qazir 157 myń ton­na kómir jetkizilgen. Mazýt qory da jetkilikti.

Endigi bir másele, óńirdegi jeke turǵyn úılerdi qajetti kó­­mir­men qamtamasyz etý. Bul ta­­rapta byltyr birshama qıyn­­dyq oryn alǵan bolatyn. Kópshilik jaqsy janatyn, kúli az qalatyn Shubarkól kómirin alǵysy keledi. Kómirdiń bul túri ýaqytynda jetkizilmeı, kómir qoımalarynda keptelis paıda bolyp, keıistik týyndaǵan. Bıyl mundaı keleńsiz kórinis oryn alǵan joq. Jekemenshik úı ıelerine shamamen 831 myń tonna kómir qajet. Kúzdiń alǵashqy aılarynda-aq halyqqa qajetti kómir ýaqtyly jetkizile bas­tady da, óńir turǵyndary óz qa­­jettilikterin alyp, qystan qy­­syl­­maıtyndaı jaǵdaı týyndady. Qazir júz myńnan astam turǵyn úıdi qamtamasyz etýge qajetti kómirdiń 65 paıyzy jet­kizildi.

Bıyl turǵyndar tarapynan ókpe-nazdyń týyndamaýy­na áser etken taǵy bir jaı bar. Oblys ákimdigi Indýstrııa jáne ınfraqurylymdyq damý mı­nıs­trligimen, «Qazaqstan temir joly» aksıonerlik qoǵa­my­men, kómir óndiretin kásip­oryn­darmen birlese otyryp, óńir tur­ǵyndaryna qajetti kómirdi ýaqtyly tasymaldaýǵa qol jet­kizdi. Kómir tasýmen aınalysatyn 62 operator oblys qalalary men 16 aýdandy qamtamasyz etti. Úsh aıdyń ishinde salmaǵy 485 myń tonna bolatyn 6 992 vagon kómir jetkizildi. Onyń ishinde turǵyndar tarapynan suranysqa ıe bolyp otyrǵan Shubarkól kómiriniń 160 myń tonnasy bar. Qazir kómir satatyn bazalarda 55 myń tonna kómir bar. Oblys ortalyǵynda 3 myń tonnadan astam kómir jınaqtalǵan. Qajet etken adamdar ózderine qolaıly ýaqytta satyp ala alady.

Bir jaqsysy, bıyl kómir ba­ǵasy aıtarlyqtaı qymbattaǵan joq. Qazan aıynda temir jolmen tasymaldaý tarıfiniń ózgerýine baılanysty 4 paıyzdyq ústeme qosylyp, Shubarkól kómiriniń ár tonnasy 16 100 teńge boldy. Qarajyra, Maıkóbe kómirleriniń quny da byltyrǵy deńgeımen shamalas.

Qytymyr qysta qysylmaý úshin tıisti oryndar óz isin tyn­dy­­­rymdy atqaryp, bar sharýany ýaq­tyly úılestirýde.

 

Aqmola oblysy

Sońǵy jańalyqtar

Jedel jeli qosyldy

Álem • Búgin, 00:28

«Sáýleń bolsa keýdeńde...»

Pikir • Búgin, 00:21

Qýaty mol qurama jem

Ekonomıka • Búgin, 00:14

Ekonomıkany resessııa kútip tur ma?

Ekonomıka • Búgin, 00:07

Tekeliniń tátti taǵamdary

Aımaqtar • Búgin, 00:05

Jer silkinisi: saqtyq pen sabaq

Tótenshe jaǵdaı • Keshe

Talqy

Ádebıet • Keshe

Qar ústindegi qarsaq

Aımaqtar • Keshe

Álkeıdiń kúndeligi

Tarıh • Keshe

Jyl úzdikteri anyqtaldy

Sport • Keshe

«Hat qorjyn»

Qoǵam • Keshe

Qarǵyn sýdan qaýip bar

Tótenshe jaǵdaı • Keshe

Oqýshylar tapqan olja

Jádiger • Keshe

Uqsas jańalyqtar