Ádilet mınıstri Tuńǵysh Prezıdenttiń erekshe mártebesi týraly barlyq eskertýler Konstıtýsııadan alynyp tastalǵanyn eske saldy.
«Tıisinshe, qazir otandyq zańnamany Konstıtýsııaǵa sáıkes keltirý jumystary júrgizilýde», dedi Qanat Mýsın.
Bul rette, mınıstr zań naqty qashan kúshin joıatynyn aıtqan joq.
«Zań, árıne, Konstıtýsııaǵa sáıkes keltiriledi. «Tuńǵysh Prezıdent týraly» zańnyń kúshin joıý týraly sheshim qabyldanady. Jumys josparly túrde júrgizilýde. Ázirge merzimder joq, biraq zań shyǵarý bastamasy tek Úkimetke ǵana emes, ol Prezıdent pen Parlament depýtattaryna da tıesili», dep qosty Qanat Mýsın.
Ol atalǵan zańnyn kúshin joıý týraly sheshim depýtattardyń bastamasy boıynsha da qabyldanýy múmkin ekenin túsindirdi. Biraq búgingi kúnge deıin Parlamentten mundaı zań jobasy túsken joq.
