EQYU Turaqty keńesiniń jańa múshesin qarsy alyp, Bas hatshy qazaqstandyq dıplomatty mańyzdy laýazymǵa taǵaıyndalýymen quttyqtady jáne elemizdiń Uıym men barlyq úsh ólshemde ózara yntymaqtastyqtyń joǵary dárejesin atap ótti. H.Shmıdtiń aıtýynsha, búgingi tańda Qazaqstan EQYU-nyń eń belsendi qatysýshy memleketterdiń biri bolyp tabylady jáne onyń qyzmetinde mańyzdy ról atqarady.
О́z kezeginde, Á.Baqaev Hatshylyqtyń kúrdeli kezeńdegi Uıymnyń jumysyn úılestirý jónindegi kúsh-jigerin atap ótip, EQYU-nyń búkil óńirinde nazar saqtaǵany úshin alǵysyn bildirdi. Turaqty ókil ekonomıkalyq-ekologııalyq ólshem áleýetin odan ári damytý qajettigine nazar aýdaryp, Qazaqstan aýmaǵynda, atap aıtqanda energetıka jáne sý resýrstarynyń qaýipsizdigi salalarynda iske asyrylyp jatqan birqatar jobalardy erekshe atap ótti.
Qazaqstanda júrgizilip jatqan saıası jáne áleýmettik-ekonomıkalyq ózgeristerdi talqylaý barysynda Bas hatshy qazaqstandyq tarapqa Demokratııalyq ınstıtýttar jáne adam quqyqtary jónindegi bıýro sarapshylaryn osy prosesterge belsendi jumyldyrǵany úshin alǵys bildirdi.
Kezdesý sońynda taraptar Qazaqstannyń EQYU-men ártúrli deńgeıdegi dıalogty qoldaý jáne ózara tıimdi yntymaqtastyqty nyǵaıtý boıynsha keleshek qadamdardy belgiledi.
