Ǵylym-bilim salasy ókilderimen kezdesti

Qazaq til ǵylymynyń qara shańyraǵy – Ahmet Baıtursynuly atyndaǵy Til bilimi ınstıtýtyna arnaıy kelgen mınıstr kartoteka qory, kitaphanamen jumysymen tanysty.

Instıtýt ǵalymdarynyń qa­jyrly eńbegine toqtalyp, til­tanýshy ǵalymdarǵa qoldaý qajet­ti­gin atap ótti. Instıtýt dırektory Anar Fazyljan ujym týraly, atqarylyp jatqan jumystar barysynan baıandap, jańa álipbı negizindegi qazaq tiliniń úlken tú­sindirme sózdiginiń mańyzyna toqtaldy. Mınıstr osy sapary aıasynda «Qazaq onomastıkasynyń ocherkteri», «Túrki onomastıkasy», 10 tomdyq «Qazaq tiliniń túsindirme sózdigi» irgeli eńbekteriniń avtory, fılologııa ǵylymdarynyń doktory, professor, Gýmanıtarlyq ǵylym akademııasynyń akademıgi Telǵoja Januzaqqa Prezıdent Jar­lyǵymen berilgen «Parasat» ordenin tabystady.

S.Nurbek qarashańyraq QazUÝ-ny da aınalyp ótpedi. Qala­shyq­ta­ǵy  kúrdeli jóndeýden ótken №10 jataqhananyń ashylýyna qa­tysyp,  stýdentterdiń áleýmettik jaǵdaıymen tanysty.

Ál-Farabı atyndaǵy QazUÝ basqarma tóraǵasy-rektor Janseıit Túımebaev Memleket basshysynyń jataqhana tapshy­ly­ǵyn sheshý tapsyrmalaryna sáıkes atqarylǵan jumystarmen tanystyryp, aldaǵy ýaqytta da jataqhanalarǵa kúrdeli jóndeý jumystarynyń jalǵasyn tabatynyn atap ótip, oryn sanyn 2 myńǵa kóbeıtý josparlanyp otyr­ǵanyn jetkizdi. Jóndeý ke­zinde ǵımarattyń syrtqy qasbeti jańartylyp, barlyq bólmeniń qa­byrǵalary qaıta árlendi. Esik-tereze aýystyrylyp, ár sek­sııaǵa zamanaýı dýsh kabınalary qoıyldy. Elektr júıesi qaıta júrgizilip, jaryq berýshi shamdar jańadan ornatyldy. Buǵan qosymsha, ǵımarattyń cý qubyry men káriz júıesi montajdaldy. 313 oryndyq jataqhanaǵa tarıh fakýltetimen qatar, hımııa jáne hımııalyq tehnologııalar fakýlteti men fızıka-tehnıkalyq fakýltetiniń stýdentteri ornalasty.

Mınıstr sonymen qatar Abaı atyndaǵy QazUPÝ-da Abaı stý­denttik ortalyǵynyń salta­natty ashylýyna qatysyp, stýdent­ter­di eń batyl ıdeıalardy júzege asy­rýǵa, qyzyqty jobalar men startaptardy damytýǵa yqpal ete­tin jańa ortalyqtyń ashylýymen qut­tyqtady.

Abai Student Center jalpy bilim berý salasyn damytýǵa qyz­met etedi ári ózge oqý orynda­ryna jarqyn úlgi bolatyny sózsiz. Bul ortalyq el Prezıdenti qoıǵan min­det­terdi júzege asyrýǵa yqpal etedi. Belgili pedagog-ǵalym­nyń uly Borıs Ýmanov Abaı atyndaǵy QazUPÝ-dyń damýy men elimizdiń pedagogıkalyq biliminiń qalyptasýyna zor úles qosqan zamanaýı qazaqstandyq pedagogıkanyń negizin qalaýshylardyń biri Grıgorıı Abramovıch Ýmanovtyń qurmetine Abai Student Center qurýǵa demeýshi bola otyryp, stýdentterge úlken qoldaý kórsetti», dedi mınıstr.

Ýnıversıtet rektory Darhan Bilálov stýdentterdiń sapaly bi­lim alýy men oqytýshylardyń yń­ǵaıly jumys isteýi úshin barlyq jaǵdaı jasalǵanyn atap ótip, at­qa­rylǵan jumystar barysymen tanystyrdy.

Zamanaýı qural-jabdyqtarmen jáne qajetti materıaldarmen jab­dyq­talǵan stýdenttik ortalyqta kovorkıng-ortalyq, pikirsaıys jáne ýnıversıtet klýbtary (26 klýb bar) jumys isteıdi. Mýzyka bólmesi, psıhologııalyq kómek kórsetý, «Jas aqyndar» ortalyǵy bar. Oqý aýdıtorııasy zama­­naýı jıhazdarmen jáne DigiTouch VV-86 ınteraktıvti panelimen jabdyqtalǵan.

ALMATY