Aımaqtar • 20 Qarasha, 2022

Arhımed Muhambetov saılaý ýchaskelerinde jumys istep júrgenderge alǵys aıtty

300 ret

kórsetildi

1 mın

oqý úshin

Qostanaı oblysynyń ákimi Arhımed Muhambetov Qostanaı qalasyndaǵy №21 saılaý ýchaskesinde daýys berdi. Ákim kezekten tys Prezıdent saılaýyna óńir turǵyndarynyń belsendi qatysyp jatqanyn aıtty, dep habarlaıdy Egemen.kz.

Nurqanat QULABAEV

Arhımed Muhambetov saılaý ýchaskelerinde jumys istep júrgenderge alǵys aıtty

– Búgingi kún elimiz úshin óte mańyzdy. Memlekettiń bolashaǵyn qalyptastyratyn úlken saıası is-shara ótýde. Tańerteńnen beri oblys boıynsha 745 saılaý ýchaskesi jumys istep jatyr. Ýchaskelerde saılaý komıssııalarynyń da, táýelsiz baqylaýshylardyń da jumysyna qajetti barlyq jaǵdaı jasalǵan. Saılaý ýchaskelerinde jumys istep júrgenderdiń barlyǵyna alǵysymdy bildiremin, – dedi aımaq basshysy.

Aıta keteıik, búgin elimizde kezekten tys prezıdent saılaýy ótýde. Buǵan deıin habarlaǵandaı, saǵat 14:00-degi jaǵdaı boıynsha 11 mln 950 myń 485 azamat daýys berý bıýletenine ıe, onyń ishinde 6 113 621 adam óz tańdaýyn jasaǵan, bul tizimdegi barlyq adamnyń 51,16 paıyzyn quraıdy.