«Osyndaı toqshylyqta, beıbit elde ómir súrip jatqan sender baqytty urpaqsyńdar. Oq pen ottyń qateri joq. Sondyqtan, qolda bar qundylyqtardy baǵalaı bilý kerek. Kezinde ash ta boldyq, jáýteńdep úreımen ómir súrdik. Búgin mine, óz erkimiz ózimizde táýelsiz elmiz. Barymyzǵa qanaǵat jasap, bolashaqqa jaqsy úmittermen ómir súre bileıik. Qashan da elimiz aman, jurtymyz tynysh bolsyn. Elimizdiń keleshegi úshin daýys berip jatyrmyn», dedi keıýana.
Búginde 9 perzentten taraǵan 40 nemere men 120 shóbere súıip otyrǵan Zabıra ájeı eldegi bolyp jatqan jaǵymdy jańalyqtardan da habardar ekenin bildirip, eldi yntymaq-birlikke shaqyrdy. 102 jasqa kelgen qart ana elde jaqsylyqtyń tolastamaýyn tileıdi.
Aıta keteıik, Zabıra áje 1920 jyly dúnıege kelgen.
Ekinshi dúnıejúzilik soǵysty basynan ótkizgen keıýana beli qatyp, buǵanasy bekimeı jatyp tyń ıgerýge qatysqan. Qolyna ketpen alyp, shabyq shaýyp, masaq tergen. Dıirmende un ótkizip, mal da baqqan. Adal eńbeginiń arqasynda eldiń qurmetine bólenip, keńes dáýirinde kolhozda qarapaıym jumysshy bolyp, beli talmaı eńbek etken qarııanyń ómir joly kópke úlgi bolarlyq.
