Buǵan deıin álemdegi eń beldi promoýshende 34 jastaǵy qandasymyz bes báseke ótkizip, sonyń tórteýinde utylǵan. Bul jarysta oǵan sheginerge jol joq edi. Onyń qarsylasy da osal emes. 31 jastaǵy AQSh sportshysy MMA-ny serik etkeli beri 14 ret oktagonǵa shyǵyp, sonyń 11-in óz paıdasyna sheshti. Bul joly Jumaǵulov jeńiske jetý úshin baryn saldy. Syrt kózge onyń sál bolsa da, basymdyǵy baıqaldy. Biraq tóreshilerdiń sheshimi múlde basqasha boldy. Olar Djonsondy jeńimpaz dep jarııalady. Osylaısha, qazaq sportshysy bul promoýshende besinshi ret jeńilis tapty. Báseke aıaqtalǵan bette BAQ ókilderine bergen suhbatynda Jalǵas: «Eńbegimniń bári esh ketti. Bárinen de sharshadym. Endi tóbeleskim kelmeıdi. Bul sózdi men emosııamen aıtyp otyrǵan joqpyn. О́zim sondaı sheshimge keldim. Meniń tileýimdi tilep, jankúıer bolǵan jurtqa alǵysym sheksiz. Barlyqtyryńyzdy da qushaǵyma qystym», dedi.
