Boz kilemge alǵashqy bolyp áıelder kúresiniń ókilderi shyqty. Bul básekelerde Qazaq eli namysyn tórt sportshymyz qorǵady. Bir keremeti, olardyń barlyǵy da jeńis tuǵyryna kóterildi. Atap aıtsaq, Mádına (68 kılo) men Jámıla Baqbergenovalar (72 kılo) altynnan alqa taqty. Bıyl kóktemde bul balýandardyń ekeýi de Azııa chempıonatynda bas júldeni oljalap, barsha qazaq jankúıerin qýantqan edi. Odan bólek, Jámılanyń álem chempıonatynyń eki dúrkin kúmis jáne Islam yntymaqtastyǵy oıyndarynyń qola júldegeri degen ataqtary bar. Bıylǵy maýsymnyń qorytyndysynda ol óz salmaq dárejesinde dúnıejúzilik reıtıngte kósh bastady. Al Marına Sedneva (55 kılo) kúmis medaldy ıelense, Altyn Shaǵaeva (53 kılo) qola júldeni qorjynǵa saldy.
Endi biz erkin kúres sheberleriniń beldesýlerin tamashalaımyz. Bul jarysta Qazaqstannyń 17 balýany kúsh synasady.
