Úkimet otyrysynan keıin mınıstr kókónis túrleriniń qory jaıly shaǵyn aqparat berdi.
«Bizde shamamen 4 mıllıon tonna kartop bar. Onyń 2 mln tonnasyn uıymdasqan sharýashylyqtar óndirgen. Olardyń jartysy - jeke qosalqy sharýashylyqtar. Aýyldardyń jartysy ózderin qamtamasyz etedi. Bıyl bizde 4,2 mln tonnadan 4,7 mln tonnaǵa deıin kartop óndirisi artty. Jalpy kókónis tobynyń barlyq túrleri boıynsha ónimdiliktiń artýy baıqalady. Sapasy da óte jaqsy», dedi Erbol Qarashókeev jýrnalısterge.
Vedomstvo basshysynyń aıtýynsha, qazir otandyq óndirýshiler azyq-túlikti kókónis qoımalaryna saqtap jatyr.
«Biz ózimizdi ǵana emes, kórshilerimizdi de kartoppen qamtamasyz etemiz. О́zbekstan, Reseı bizdiń kartopty ımporttaıdy. Kókónis qory ishki naryqqa da jetedi. Buǵan kúmán joq - kókónister jetkilikti. Jyl jaqsy boldy. Biz barlyǵyn kókónispen qamtamasyz etemiz», dep sendirdi Erbol Qarashókeev.
