Halyq tańdaýy

Q.Toqaevtyń dıplomatııalyq tájirıbesi Qańtar oqıǵalarynyń qıyn kezeńin tez eńserýge múm­­kindik berdi. Sondaı-aq Qa­­­zaq­­­stannyń saıası qury­ly­­myn keń aý­qymdy reforma­laý­dyń basta­masy bolǵan negizgi she­shim­der tez arada qabyl­dandy. Búgingi tańda Q.Toqaev­tyń dıp­lo­matııasy men ıntellek­týal­dylyǵy bizge qıyn geosaıası jaǵdaıda kelis­sózder júrgizýge jáne tıimdi ju­mys isteýge múmkindik beredi.

Qasym-Jomart Kemeluly qabyldaǵan sheshimder sara­lanǵan jáne qadamdary nyq. Mundaı jo­ǵary qyzmette salqyn­qan­dy­lyq ta­nytyp, sabyrly jáne pa­rasatty bolý ońaı emes. Ási­rese osyn­daı qarbalas tarıhı kezeńde.

Biz álemniń ártúrli elderi daǵdarys­ty bas­tan keship jat­qa­nyn kórip otyr­myz. Osy kezeńde árbir sheshimniń jan-jaqty qaras­ty­rylýy mańyzdy. Al Qa­zaq­­standa álemdik naryqtaǵy qıyn jaǵdaı aıasynda saıası jú­ıeni jańǵyrtý, ekonomıkany mono­po­lııasyzdandyrý boıynsha jos­parly reformalyq jumystar júr­gizilip jatyr. Qarapaıym azamat­tar ózderin senimdi sezinýi úshin bıznes ósip, damı alady. Saıa­sı turaqtylyqty saqtaýda Toqaev­­tyń mańyzdy róli bar. Buǵan onyń tájirıbesi, kelissóz júr­­gizý qabileti, ıkemdilik, obek­­tıvtilik pen beıtaraptyq syndy qasıetter negiz bolmaq.

Qasym-Jomart Toqaev qoǵam­da ózgeristerdi ja­rııalap qana qoımaı, olardy kúr­deli sheshim­der qabyldaý arqy­ly júzege asyryp otyr. Osyn­daı qadam­dar­dyń biri – Ult­­tyq qoǵam­dyq senim keńesin qurý. Sebebi keńes múshele­riniń usynys­tary­na Pre­zıdent shyny­men qulaq túr­di. Bul – batyldyqtyń, ádi­let­tiliktiń jáne danalyqtyń belgisi.

Onyń búginge deıingi júzege asyrǵan bastamalary aldaǵy jeti jyl ishinde halyqtyń ıgili­gin arttyrýǵa, kúsh-jigerin salýǵa daıyn ekenin kórsetedi. Son­dyq­tan 20 qa­­rashada saılaýǵa kelip, úmit­­ker Qasym-Jomart Toqaevqa óz da­ýysyn bergen árbir azamat du­rys sheshim qabyldady dep sanaımyn.

Samat AQYShEV,

Májilis depýtaty