Zań jobasyna engizilgen jańalyqtar aýyl sharýashylyǵy ónimderin qaıta óńdeý kezinde QQS salyǵyn 70%-ǵa azaıtý jónindegi erejeni keńeıtýdi kózdeıdi. Endi tólenetin salyqtyń osylaı tómendeýi balyq óńdeýmen aınalysatyn kásiporyndarǵa da qatysty bolady. Qant, kondıterlik ónimder men ashytqy óndirýshiler úshin de QQS mólsherin 70% tómendetý usynylyp otyr. Zań jobasynda sonymen qatar qant shıkizatyn ımporttaýshylardy da QQS tóleýden bosatý usynyldy.
Zań jobasynda Qazaqstanǵa 2022 jyldyń 1 qyrkúıegine deıin shetelden ákelingen avtomobılderdi bastapqy tirkeýge alý úshin biryńǵaı alym mólsherin qoldaný da jazylǵan. Alym somasy 200 myń teńge bolady. Qazaqstan Respýblıkasynyń Prezıdenti Qasym-Jomart Toqaev óziniń «Ádiletti memleket. Birtutas ult. Berekeli qoǵam» atty Joldaýynda osyndaı tapsyrmany jarııa etken bolatyn.
Senatorlar zań jobasyn talqylaý qorytyndysy boıynsha ony Palatanyń qaraýyna jiberý týraly sheshim qabyldady.
