23 qarasha kúni saǵat 11:40 shamasynda «Qazfosfat» kompanııasynyń qyzmetkerleri arasynda túsinispeýshilik týyndady. Sıfrlyq transformasııa basqarmasynyń bastyǵy áriptesterine dóreki sóılegeni anyqtaldy.
Jambyl oblysy ákiminiń birinshi orynbasary Nurjan Kalenderov, oblys ákiminiń orynbasary Qanatbek Mádibek, oblys prokýrorynyń orynbasary Nurbek Ulasbekuly qyzmetkerlermen kezdesip, túsindirý jumystaryn júrgizdi.
«Qazfosfat» JShS sıfrlyq transformasııa basqarmasynyń bastyǵy áriptesterinen keshirim surady. Basqarmada atap ótilgendeı, ol atqaratyn qyzmetinen bosatyldy.
Aıta ketsek, zaýytta jınalǵan qyzmetkerler sany 200 adamdy qurady.
«Atalǵan fakt boıynsha 20 erikti qyzmetkerden turatyn jumys toby quryldy. Top quramyna seh basshylary men kásipodaq ókilderi kirdi», delingen eńbek ınspeksııasy basqarmasy taratqan habarlamada.
Qazirgi ýaqytta kásiporyndaǵy jaǵdaı turaqty. Oblys ákimi jaǵdaıdy jeke baqylaýda ustaıtynyn habarlady.
