Qazaqstan • 24 Qarasha, 2022

Salyq kodeksine qandaı ózgerister engizildi?

36 ret kórsetildi

Qazaqstan Parlamenti elimizdiń Salyq kodeksine engizilgen túzetýlerdi ekinshi oqylymda qabyldady, dep habarlaıdy Egemen.kz.

Ulttyq ekonomıka mınıstri Álibek Qýantyrov atap ótkendeı, túzetýlerdiń birinshi blogy eńbekaqy tóleý qoryna júktemeni azaıtýǵa qatysty. Onyń aıtýynsha, búgingi kúni eńbekaqy tóleý qorynan ártúrli mólsherlemelermen, esepteý bazalarymen birneshe tólemder tólenedi.

«Bul tólemderdi bir tólemge biriktirý usynylady. Ony arnaıy salyq rejımderin qoldanatyn mıkro jáne shaǵyn bıznes sýbektileri erikti negizde qoldanady. Soma biryńǵaı jıyntyq tólem mehanızmine uqsas bólinedi», dedi Álibek Qýantyrov.

Osylaısha, biryńǵaı tólem jalaqydan salyqtar men tólemderdi esepteýdi jeńildetip qana qoımaı, salyq júktemesin azaıtýǵa múmkindik beredi.

Túzetýlerdiń ekinshi blogy salalyq zańnamadaǵy ózgeristerge baılanysty. Zań jobasynda Konstıtýsııalyq sotqa júgingen kezde memlekettik bajdar belgileý jáne halyqtyń áleýmettik osal toptaryn salyqtan bosatý usynylady.

Kelesi norma otandyq taýar óndirýshilerdi yntalandyrýǵa baǵyttalǵan. Balyq aýlaý kásiporyndary balyqty óńdeý kezinde QQS-ty 70%-ǵa tómendetý boıynsha norma usynyldy. Qazir mundaı jeńildikti balyq ósiretin sharýashylyqtar qoldanady.

«Qant óndirisin yntalandyrý maqsatynda qamys shıkizatynyń ımportyn QQS-tan bosatý, sondaı-aq qant óndirýshilerge QQS jeńildikterin qoldaný merzimin uzartý usynylady», dep qosty Ulttyq ekonomıka mınıstri.

Aıta ketsek, zań jobasynda nóldik tarıfti qoldana otyryp, jolaýshylar tasymaldaýshylaryna magıstraldyq temirjol jelisine qyzmet kórsetý kezinde salyq salý máselelerin retteý kózdelgen.

Azamattyq avıasııa salasynda sertıfıkattar bergeni úshin alymdardy alyp tastaý boıynsha normalar engiziledi.

Budan basqa, jańa túzetýlermen chekti bermeý, ıpotekalyq kredıt boıynsha bereshekti esepten shyǵarý, jaldaý qunyn tómendetý jáne turǵyn úıdi jalǵa alýǵa bıýdjettik sýbsıdııalar alý faktileri týraly habarlaǵany úshin syıaqy alý kezinde salyqtyq táýekelder alynyp tastalady.

Sońǵy jańalyqtar

Aýyldy jaqsarta almasaq, bárimizge syn

Qazaqstan • Búgin, 22:09

Túıtkili kóp turǵyn úı

Saıasat • Búgin, 22:02

Ońaltý qyzmeti syn kótermeıdi

Qoǵam • Búgin, 21:55

Jas sarapshylar taldaýy

Saıasat • Búgin, 21:50

Ketigin tapqan kásiporyn

Ekonomıka • Búgin, 21:21

Kontrabandaǵa qarsy kúres

Qoǵam • Búgin, 21:17

Qaterli isikti emdeýdiń jańa ádisi

Medısına • Búgin, 21:15

Jumysshylarǵa suranys kóp

Qoǵam • Búgin, 21:09

Aıan týraly baıan

Rýhanııat • Búgin, 21:07

eGov Mobile qosymshasyna júginedi

Qoǵam • Búgin, 21:06

Qurylysty sıfrlandyrý deńgeıi tómen

Qazaqstan • Búgin, 21:05

Úzdikter anyqtaldy

Fýtbol • Búgin, 21:04

Jigitter jigersizdik tanytty

Sport • Búgin, 21:03

Fransııa – pleı-offta

Fýtbol • Búgin, 21:01

Baqyttyń mekenin ulyqtaǵan joba

Qoǵam • Búgin, 20:58

Aıazdaǵy apat

Aımaqtar • Búgin, 20:57

Arheolog asýlary

Qoǵam • Búgin, 20:54

Uqsas jańalyqtar