Saıasat • 26 Qarasha, 2022

Toqaev memlekettik saıasattyń negizgi baǵytyn atady

64 ret kórsetildi

Elimizde bilim berý isinen bastap ındýstrııalandyrýǵa deıin qoǵamnyń barlyq salasy jańǵyrtylady, dep habarlaıdy Egemen.kz.

Bul jaıynda Qasym-Jomart Toqaev ulyqtaý rásiminde aıtty. 

«Endi bizdiń ortaq maqsatymyz – zań men tártip ústemdik quratyn, azamattardyń quqyǵyna laıyqty qurmet kórsetiletin Ádiletti Qazaqstandy qurý. Qoǵamdy transformasııalap, Qazaqstandy shynaıy demokratııalyq ınstıtýttary damyǵan elge aınaldyrý úshin aýqymdy jumys atqarýymyz kerek. Sonda ǵana ulttyń jańa sapasyn qalyptastyryp, qasterli táýelsizdigimizdi nyǵaıtamyz», dedi ol.

Memleket basshysynyń aıtýynsha, qazir biz osy qıyn-qystaý joldyń basynda turmyz.

«Aldymyzda atqaratyn jumys kóp. Árbir azamat eldiń bolashaǵy úshin óz jaýapkershiligin sezinýge tıis. Memlekettik saıasatymyzdyń negizgi baǵyty – bilim berý isinen bastap ındýstrııalandyrýǵa deıin qoǵamnyń barlyq salasyn jańǵyrtý. Elimizdiń uzaq merzimdi ekonomıkalyq ósiminiń negizin jańa tehnologııalar, joǵary eńbek ónimdiligi, azamattardyń shyǵarmashylyq bastamalary quraıdy», dedi Prezıdent.

Sońǵy jańalyqtar

Demalys kúnderi aýa raıy qandaı bolady?

Aýa raıy • Búgin, 10:38

Uqsas jańalyqtar