Saıasat • 27 Qarasha, 2022

Jas sarapshylar taldaýy

58 ret kórsetildi

«Halyqaralyq áleýmettaný jáne saıasat ınstıtýty» qoǵamdyq qory janyndaǵy Jas sarapshylar mektebi «Qasym-Jomart Toqaevtyń prezıdent retindegi jumysynyń negizgi qorytyndylary: 2019-2022 jyldar» jáne «2022 jylǵy prezıdent saılaýynyń qorytyndylary» baıandamalaryn tanystyryp, saılaý barysyna qatysty zertteýlerimen bólisti.

Mektep tyńdaýshylary Prezıdent Qasym-Jomart Toqaevtyń prezıdenttik qyzmettegi negizgi áleýmettik-ekonomı­kalyq, ishki jáne syrtqy saıası baǵyttar boıynsha qyzmetine taldaý jasaı otyryp, bıyl 20 qarashada ótken prezıdenttik saılaýǵa sholý jasady. Saılaý barysyn baqylaǵan jas sarapshylar úgit-nasıhat jumystarynyń qalaı júrgendigin, kandıdattardyń baǵdarlamalary jáne elimizdegi ishki saıası ahýal tóńiregindegi boljamdaryn ortaǵa saldy.

«Qasym-Jomart Toqaevtyń prezı­dent kezindegi jumysynyń negizgi qory­tyndylary: 2019-2022 jyldar» baıandamasynda Prezıdenttiń ómirbaıany, qyzmeti men baǵdarlamalary, tótenshe jaǵ­daılar kezindegi is-qımyldary, syrt­qy saıasattaǵy qyzmetteri qamtylsa, «2022 jylǵy prezıdenttik saılaý» baıandama­synda respýblıkadaǵy prezıdenttik saı­laý­dyń tarıhy men rettelýi, kandıdat­tar­dy usyný, saıası platformalary, úgit-nasıhat naýqandary, daýys berý nátı­jeleri men saıası boljamdar zerdelengen.

«Saraptama barysynda bıylǵy saı­laý kampanııasy qandaı jaǵdaıda ótti degen bas­ty suraqqa jaýap beredi. Qańtar oqıǵasy, álemdik ınflıasııa, Reseı men Ýkraına arasyndaǵy qaqtyǵystyń Qazaqstandaǵy saıası jaǵdaıǵa áserin basshylyqqa ala otyryp, elimizdegi saılaýdyń qalypty jaǵdaıda ótkenine taldaý jasadyq. Saılaý barysynda zań buzýshylyqtar tirkelgen joq, ákimshilik qysym jasalmady. Munyń ózi – úlken nátıje. Degenmen de bul jerde elektorattyń tańdaýy qandaı jaǵdaıda da kóp resýrsty kandıdatqa túsetini belgili. Bul jerde materıaldyq jaǵdaı ǵana emes, tanymaldyq, harızma, saıası tájirıbe basshylyqa alynyp otyr. Saılaýda Q.Toqaevqa elektorattyń basym daýys berip otyrǵany, kandıdattyń aldaǵy is-qı­myldarynan, eldiń bolashaǵyna qatys­ty kókeıkesti máselelerde kóshbas­shy bola alady degen senimnen týynda­dy. Prezıdenttik merzimdi jeti jylǵa bel­gileı otyryp, óz bıligin shekteýmen qatar saıası batyl qadamdar jasaý­ǵa sheshim qabyldaýy da respýblıka jur­t­shy­lyǵynyń aldaǵy kúnderge qatysty senimimen baılanys­ty», dep atap ótti sarapshy
M.Shıbutov.

Jas sarapshylar zertteýlerinen ańǵar­ǵa­nymyzdaı, kandıdattardyń baǵdar­la­masynda nazar aýdarylmaǵan qoǵamdyq mańyzy bar máseleler boldy. Sarapshy Aınur Baqytjanovanyń aıtýynsha, kandıdat Q.Toqaevtyń baǵdarlamasynda ǵana múgedektigi bar adamdarǵa qatysty naqty baǵyttar aıtylyp, qoǵamnyń barlyq áleýmettik tobyna qatysty máseleler kóterildi. «Mysaly, múgedektigi bar azamattardyń joǵary oqý oryndarynda bilim alýy, jumyspen qamtý, ádiletti qoǵam qurý jaǵdaıynda olarǵa da tolyqqandy jaǵdaı jasaý qajet ekeni belgili. Sonymen qatar kandıdattardyń baǵdarlamasyn zertteý kezinde qoǵamnyń álsiz toptarynyń namysyna tıetin sóz tirkesteri qoldanylǵan. Búginde teń qoǵamdy qalyptastyrý jaǵdaıynda óńirler boıynsha týyndap otyrǵan máseleler de jetkilikti», deıdi
sarapshy.

Jas sarapshylar aldaǵy ýaqytta prezıdenttikten úmitker bolǵan kandıdattar óz baǵdarlamalarynda aıtylǵan máselelerdiń júzege asýyna múddeli bolýy qajet dep sanaıdy. Sondyqtan da barlyq kandıdattardyń qoǵamdy jaqsartýǵa baǵyttalǵan baǵdarlamasynyń oryndalý barysy baqylanyp, saraptama jasalady.

Jas sarapshylar – Akbópe Ábil­qasymova, Almas Aýbekerov, Jomart Ámir­hanov, Madııa Tórebaeva, Sáýle Ábdýálıeva, Stepan Shramko, Lılııa Man­shına, Ilıas Baqtyǵalıev, sonymen qatar mátindi engizý, qorytyndylaý jáne redaksııalaý boıynsha Aıdar Omarov, baıandamalardy aýdarýmen Aı­nur Baqytjanova, Stepan Shramko men Tı­mýr Úmbetov aınalysyp, orys, qazaq jáne aǵylshyn tilderinde daıyndalǵan sarap­tamalyq qujatqa saıasattanýshy Ma­rat Shıbutov redaksııalyq etti.

Aıta ketken jón, Jas sarapshylar mektebi bıyl maýsym aıynda Elbasy akademııasynyń qoldaýymen ashylyp, irikteý týryna 2 myńnan astam ótinish joldanǵan. Osy kezeńde irikteýden ótken 12 sarapshy elimizdegi saıası-ekono­mı­kalyq, áleýmettik ahýaldy zertteý jumy­syn júrgizdi. Bul baǵyttaǵy zertteýler aldaǵy ýaqytta da jalǵasady. Al keler jyldan bastap áleýmettik sarapshy­lar­dyń jańa toby iriktelip, oqytylmaq.

 

ALMATY

 

Sońǵy jańalyqtar

Túrkııada taǵy da jer silkindi

Oqıǵa • Búgin, 11:51

Izraılde jer silkindi

Álem • Búgin, 10:03

Ekibastuzda ýaqytsha jylý óshiriledi

Aımaqtar • Búgin, 09:27

Úmitkerlerdi tirkeý bastaldy

Saılaý • Búgin, 08:58

Jańa medıa jáne ǵalam ekonomıkasy

Qoǵam • Búgin, 08:55

Egiske nesıe berý jalǵasyp jatyr

Nesıe • Búgin, 08:50

Dostyq jáne memlekettik múdde

Qazaqstan • Búgin, 08:45

Investısııa kólemi azaıǵan

Investısııa • Búgin, 08:40

«Qara pıma» kórermenge oı saldy

Teatr • Búgin, 08:35

Úzdikter qatarynda

Marapat • Búgin, 08:35

Jampoz

Qazaqstan • Búgin, 08:25

Jedel jeli qosyldy

Álem • Búgin, 00:28

Uqsas jańalyqtar