Prezıdent • 28 Qarasha, 2022

Qasym-Jomart Toqaev Vladımır Pýtınmen kezdesti

109 ret kórsetildi

Qasym-Jomart Toqaev Vladımır Pýtınge Qazaqstan Prezıdenti bolyp qaıta saılanýymen quttyqtaǵany jáne izgi tilegi úshin alǵys aıtyp, eki el arasyndaǵy qarym-qatynasqa joǵary baǵa berdi, dep habarlaıdy Egemen.kz Prezıdenttiń baspasóz qyzmetine silteme jasap.

– Eń aldymen, Qazaqstan Respýblıkasynyń Prezıdenti laýazymyna qaıta saılanýyma oraı jeke quttyqtaǵanyńyz úshin alǵys aıtqym keledi. Shyn máninde, alǵashqy sheteldik saparym osy elge, Reseı Federasııasyna jasalyp otyr. Munyń tereń saıası máni bar. Álbette, bul sapardyń belgili bir sımvoldyq máni bar. Ekinshi jaǵynan, bul qalypty jaǵdaı, óıtkeni memleketterimiz arasyndaǵy yntymaqtastyq týraly áńgime órbip otyr. Bıyl biz dıplomatııalyq qarym-qatynastyń ornaǵanyna 30 jyl tolǵanyn atap óttik. Búgin osy tarıhı dataǵa arnalǵan Deklarasııaǵa qol qoıamyz – dedi Memleket basshysy.

Prezıdenttiń aıtýynsha, Qazaqstan men Reseı arasyndaǵy saýda-ekonomıkalyq baılanystar belsendi damyp keledi.

– Qazaqstan úshin Reseı Federasııasy negizgi strategııalyq seriktes memleket bolady jáne solaı bolyp qala beredi. Bizdi túrli saladaǵy tereń qarym-qatynastar baılanystyrady. Siz О́ńiraralyq yntymaqtastyq forýmynyń kezekti otyrysyn meńzedińiz. Bul joly ol Orynborda ótip jatyr. Bizdiń odan ári ilgerilýimizge eleýli negiz bar. Bizdiń elderimiz arasyndaǵy saýda kólemi pandemııaǵa baılanysty qıyndyqtarǵa qaramastan 24,5 mıllıard dollarǵa jetti. Reseı kapıtalynyń bizdiń elimizge baǵyttalýyna qatysty úlken josparymyz bar. Men Memleket basshysy retinde jáne bizdiń Úkimetimiz ózara tıimdi sharttar negizinde Reseı kapıtaly Qazaqstanda turaqty jumys isteýi úshin qolymyzdan kelgenniń bárin jasaımyz. Eki el arasyndaǵy yntymaqtastyqtyń damý deńgeıine kóńilimiz tolady deýge negiz bar. Sonymen qatar alǵa umtylý kerek, dál osy maqsatpen men osynda arnaıy saparmen keldim, – dedi Qasym-Jomart Toqaev.

Vladımır Pýtın Memleket basshysyn saılaýdaǵy senimdi jeńisimen jáne Prezıdent qyzmetine kirisýimen taǵy da quttyqtady.

– Eń aldymen, Qasym-Jomart Kemelulyna shyn júrekten iltıpat bildiremin. Ol Qazaqstan Prezıdenti bolyp qaıta saılanǵannan keıingi alǵashqy resmı saparyn Reseıge jasady. Men ony saılaýdaǵy senimdi jeńisimen taǵy da quttyqtaǵym keledi jáne eldiń saıası, áleýmettik-ekonomıkalyq ómirindegi aýqymdy ózgeristerge qatysty barlyq josparyn júzege asyrýda sáttilik tileımin, – dedi Reseı basshysy.

Reseı Prezıdenti sondaı-aq Qazaqstan men Reseı arasyndaǵy baılanystardyń joǵary deńgeıi men erekshe sıpatyn atap ótti.

– Árıne, Qazaqstan Prezıdentimen jıi kezdesip turamyz, jaqynda ǵana júzdesken bolatynbyz. Biz árqashan ár kezdesýimizde ózekti máselelerdi talqylaımyz. Eń aldymen, ekonomıka máselesin kóteremiz. О́ıtkeni bul – bizdiń barlyq saladaǵy tabystarymyzdyń negizi. Biz ony joǵary baǵalaımyz. Jańa ǵana turaqty túrde ótetin О́ńiraralyq forýmǵa qatystyq. Onda da bizdiń áriptester aıtarlyqtaı naqty nátıjelerge qol jetkizetinine senimdimin, sebebi saýdanyń deni shekaralas aımaqtar arqyly ótedi. Adamdar bir-birimen aralasady, bir-biriniń múmkindikterin jaqsy biledi. Biz qazir 2021 jyly taýar aınalymynyń óskenin atap óttik. 2022 jyly da turaqty artyp keledi. Sondaı-aq dástúrli baǵyttarda, joǵary tehnologııalyq salalarda jumys istep jatyrmyz, bul bolashaq úshin óte mańyzdy, – dedi Vladımır Pýtın.

Qazaqstan men Reseı prezıdentteri dástúrli túrde ózara senim men konstrýktıvti negizde ekijaqty seriktestikti odan ári nyǵaıtý joldaryn aıqyndady. О́nerkásiptik qatynastar men kólik-logıstıka salasyndaǵy ekonomıkalyq is-áreketterdi kúsheıtý basty mindet bolyp qala beredi.

Kezdesý sońynda Qasym-Jomart Toqaev pen Vladımır Pýtın dıplomatııalyq qatynastardyń 30 jyldyǵyna oraı Qazaqstan Respýblıkasy men Reseı Federasııasy arasyndaǵy Deklarasııaǵa qol qoıdy.

Sońǵy jańalyqtar

Qyrǵyzdyń óńindeı...

О́ner • Búgin, 08:35

Áleýmettik jobalardyń áleýeti

Úkimet • Búgin, 00:01

Abyroıly Aǵzam aqsaqal

Aýyl • Keshe

Taǵy da tarıf týraly

Aımaqtar • Keshe

Qoldan shapqan qobyz

Rýhanııat • Keshe

Kúlánda apa

Eń qysqa áńgime • Keshe

Alash at tarıhy

Qoǵam • Keshe

Bir óleńniń tarıhy

Ádebıet • Keshe

Sultanmahmut jeńisi

Ádebıet • Keshe

Dala men daryn

Tarıh • Keshe

Uqsas jańalyqtar