Kúntizbelik jospar bekitildi

Komıssııa tóraǵasy Nurlan Ábdirov 2017 jyly saılanǵan Senat depýtattarynyń Kons­tı­tý­sııalyq ókilettik merziminiń aıaq­talýyna baılanysty el Prezı­dentiniń 2022 jylǵy 26 qara­shadaǵy Jarlyǵymen Senat depýtattarynyń kezekti saılaýy 2023 jylǵy 14 qańtarǵa taǵaıyndalǵanyn aıtty. Bul jaǵ­daıda depýtattardy saılaý Se­nat depýtattary ókilettiginiń kons­tıtýsııalyq merzimi aıaqtalǵanǵa deıin keminde tórt aı buryn taǵa­ıyndalady jáne olardyń óki­lettikteriniń konstıtýsııalyq mer­zimi aıaqtalǵanǵa deıin kemin­de eki aı buryn ótkiziledi. Osy­laısha, 2023 jylǵy 14 qańtar­da respýblıkanyń 20 óńirin­de eli­mizdiń joǵary zań shyǵa­rýshy or­ganynyń joǵarǵy pala­ta­synyń bir depýtatyn saılaý ótedi.

Konstıtýsııaǵa sáıkes Senat Konstıtýsııalyq zańda bel­gilengen tártippen elimizdiń ár­bir oblysynan, respýblıkalyq mańyzy bar qalasynan jáne astanasynan eki adamnan ókildik etetin depýtattardan quralady. Senat depýtattaryn máslıhat depýtattary janama saılaý quqyǵy negizinde jasyryn daýys berip saılaıdy, olardy óz kezeginde Qazaqstan azamattary jalpy saılaýda saılaıdy.

Senat depýtattarynyń óki­lettik merzimi – alty jyl. Bul jaǵ­daıda jartysy úsh jyl saıyn qaıta saılanady. Parlament Se­natynyń depýtattaryn saılaý­dy ázirleý men ótkizýdi Orta­lyq saılaý komıssııasy basqa­rady. Tıisti aýmaqtyq saılaý ko­­mıs­sııa­lary óńirlerde Parla­ment de­pýtattarynyń saılaýyn ázir­leý men ótkizýdi qamtamasyz etedi.

Saılaý naýqanynyń negizgi kezeńderi týraly Ortsaılaýkom tóraǵasynyń orynbasary Kons­tantın Petrov baıandama jasady. Osylaısha, Parlament Se­na­tynyń depýtattyǵyna kandı­dattardy usyný saılaý taǵa­ıyndalǵan kúnnen keıingi kún­nen bastalady, ıaǵnı 29 qara­shadan bastap jáne saılaý ótkizi­letin kúnge bir aı qalǵanda, 2022 jylǵy 14 jeltoqsanda jergilikti ýaqyt boıynsha saǵat 18.00-de aıaqtalady.

Parlament Senatynyń de­pý­­tattyǵyna kandıdattardy más­lıhattar arqyly, sondaı-aq ózin ózi usyný tártibimen júzege asyrady. Otyz jasqa tolǵan, joǵary bilimi jáne keminde bes jyl jumys ótili bar, tıisti ob­lys­tyń, respýblıkalyq mańyzy bar qalanyń ne astananyń aýma­ǵynda keminde úsh jyl turaqty tu­ratyn adam Senat depýtaty bola alady. Sot is-áreketke qabi­letsiz dep tanyǵan azamattardy saılaýǵa jáne saılanýǵa quqyǵy joq.

Senat depýtattyǵyna zańda bel­gilengen tártippen ótelmegen ne­mese alynbaǵan sottylyǵy bar adam, sondaı-aq zańda bel­gi­len­gen tártippen sybaılas jem­qorlyq qylmys pen sybaılas jem­qorlyq quqyq buzýshylyq jasaýda kinási bar adamdy sot mo­ıyndaǵan adam kandıdat bola almaıdy.

Senat depýtattyǵyna kandı­datty oblystyń barlyq máslı­hattaryn, Respýblıkalyq mańyzy bar qalanyń nemese respýblıka astanasynyń máslıhatyn bildiretin tańdaýshylardyń jalpy sanynyń keminde on paıyzy, biraq bir máslıhattyń tań­daý­shy­larynyń jıyrma bes paıyzynan aspaıtyn daýysy qoldaýǵa tıis.

Senat depýtattyǵyna kandıdattardy tirkeý barlyq qajetti qujattardy alǵannan keıin bas­talady jáne saılaý kúnine jıyrma kún qalǵanda jergilikti ýaqyt bo­ıynsha, ıaǵnı 2022 jylǵy 24 jeltoqsanda saǵat 18.00-de aıaq­ta­lady.

Parlament Senatynyń de­pý­­tat­­tyǵyna kandı­dattardy tir­keýdi oblystyq, respýb­lı­kalyq ma­ńyzy bar qalalardyń jáne asta­nanyń saılaý komıssııa­lary oblystyq, qalalyq nemese aýdandyq máslıhattyń depýtattyqqa kandıdat usyný týra­ly sheshimi (máslıhat usyn­­ǵan jaǵdaıda) negizinde júzege asyrady. Sondaı-aq depý­tattyqqa kandıdat bolyp saılanýǵa kelisim berý týraly ótinishi; kandıdatty qoldaý úshin tańdaýshylardyń qoldaryn tekserý nátıjeleri týraly tıisti saılaý komıssııasynyń hattamasy bolǵan kezde júzege asyrady; kandıdattyń ómirbaıandyq derekteri; kandıdattyń jáne onyń jubaıynyń (zaıybynyń) aktıvteri men mindettemeleri týraly deklarasııalardy; kandı­dattyń 900 myń teńge somasynda saılaý jarnasyn engizgenin kýá­lan­dyratyn qujatty tapsyr­ǵa­ny týraly memlekettik kiris or­ga­nynyń anyqtamasy talap etiledi.

Saılaý aldyndaǵy úgit kandı­dat­tardy tirkeý merzimi aıaqtal­ǵan sátten bastalady, ıaǵnı 2022 jylǵy 24 jeltoqsanda saǵat 18.00-den keıin jáne daýys berý kúniniń aldyndaǵy kún­niń jer­gilikti ýaqyty boıynsha 13 qań­tarda saǵat 00.00-de aıaqtalady.

Senat depýtatyn saılaýda daýystardy sanaý nátıjeleri da­ýys berý úshin pýnktte ótkiziletin tıisti saılaý komıssııasynyń otyrysynda belgilenedi. Senat depýtatyn saılaý jónindegi daýystardy sanaý hattamasy saılaýshylardyń birlesken oty­ry­synda jarııalanady jáne saı­laý kúninen bastap eki kún­nen aspaıtyn merzimde Ortsaı­laýkomǵa jiberiledi.

Jalpy respýblıka boıynsha Senat depýtattaryn saılaý qory­tyndylaryn Ortsaılaýkom saılaý ótkizilgen kúnnen bastap jeti kún merzimnen keshiktirmeı, ıaǵnı 2023 jylǵy 20 qańtardan keshiktirmeı belgileıdi jáne saılaý qorytyndylary týraly (saılaý ótkizilgen kúnnen bastap on kúnnen keshiktirmeı) buqaralyq aqparat quraldarynda habarlama jarııalaıdy.