Qazaqtyń «Jetim kórseń jebeı júr» degen maqalyn basqa-basqa, erli-zaıypty Tımofeevter jaqsy túsingen sııaqty. Sodan bolar, osydan birneshe jyl buryn Alekseı men Natalıa Tımofeevter balalar úıinen 15 sábıdi asyrap alypty. Búginde sol 15-tiń 9-y kámelet jasynan asty jáne olardyń keıbiriniń joǵary, keıbiriniń orta bilimi bar. 6-ýy úılenip, turmys quryp, óz aldaryna otbasy bolyp ketti. Barlyǵy baspana, jumyspen qamtylǵan. Keıbiri, tipti, bala tárbıelep, ózderi ata-ana atanyp otyr. Qazir Alekseı men Natalıany osynaý balalarynan 14 nemere súıip otyrǵan baqytty ata-áje deýge bolady.
Dál qazir Tımofeevterdiń shańyraǵynda kámelettik jasqa jetpegen 6 bala tárbıelenýde. Olardyń bári Taraz qalasyndaǵy balalar úıleriniń tárbıelenýshileri bolatyn. Árıne, otbasynda bala tárbıesi, onyń kúndelikti jaǵdaıyn jasaýdyń aýyrlyǵy eń aldymen áıel adamǵa túsetini belgili ǵoı. Sondyqtan bul balalardyń qanatyn qataıtyp, mápeleýde, uıadan ushyrýda Natalıa Grıgorıevnanyń eńbegi erekshe ekenin aıta ketý qajet. Balalar kúni merekesinde Jambyl oblysynyń ákimi Kárim Kókirekbaev Tımofeevter otbasynda bolyp, qanshama balaǵa qamqor bolyp otyrǵan Natalıaǵa alǵysyn jaýdyryp, syı retinde jap-jańa «Gazel» kóligin tartý etti.
Árıne, jas balaǵa tárbıe berýde ata-ananyń alar orny erekshe. Búginde Jambyl oblysynda 98 otbasy 138 jetim balany qamqorlyǵyna alǵan. Budan bólek, 11 otbasy tıptes balalar úıi taǵy bar. Jáne oblystaǵy 3 memlekettik bilim berý mekemelerinde 333 jetim bala tárbıelenip jatyr.
Oralhan DÁÝIT,
«Egemen Qazaqstan».
Jambyl oblysy.
Dál qazir Tımofeevterdiń shańyraǵynda kámelettik jasqa jetpegen 6 bala tárbıelenýde. Olardyń bári Taraz qalasyndaǵy balalar úıleriniń tárbıelenýshileri bolatyn. Árıne, otbasynda bala tárbıesi, onyń kúndelikti jaǵdaıyn jasaýdyń aýyrlyǵy eń aldymen áıel adamǵa túsetini belgili ǵoı. Sondyqtan bul balalardyń qanatyn qataıtyp, mápeleýde, uıadan ushyrýda Natalıa Grıgorıevnanyń eńbegi erekshe ekenin aıta ketý qajet. Balalar kúni merekesinde Jambyl oblysynyń ákimi Kárim Kókirekbaev Tımofeevter otbasynda bolyp, qanshama balaǵa qamqor bolyp otyrǵan Natalıaǵa alǵysyn jaýdyryp, syı retinde jap-jańa «Gazel» kóligin tartý etti.
Árıne, jas balaǵa tárbıe berýde ata-ananyń alar orny erekshe. Búginde Jambyl oblysynda 98 otbasy 138 jetim balany qamqorlyǵyna alǵan. Budan bólek, 11 otbasy tıptes balalar úıi taǵy bar. Jáne oblystaǵy 3 memlekettik bilim berý mekemelerinde 333 jetim bala tárbıelenip jatyr.
Oralhan DÁÝIT,
«Egemen Qazaqstan».
Jambyl oblysy.
