BJZQ jyl saıyn «Azamattarǵa arnalǵan úkimet» memlekettik korporasııasymen birlesip, zeınetkerlik jasqa tolǵan jáne qorda zeınetaqy jınaqtary bar, bıýdjet qarajaty esebinen jasyna baılanysty zeınetaqy tólemderin alatyn, biraq zeınetaqy jınaǵy esebinen beriletin tólem úshin BJZQ-ǵa júginbegen adamdardy anyqtaý turǵysynan salystyryp tekserý jumystaryn júrgizedi.
Memlekettik korporasııa atalǵan sanattaǵy tulǵalarǵa SMS-habarlamalar jiberedi. Onda zeınetaqy jınaqtary esebinen tólemder alýǵa belsendi formatta kelisim berý usynylady.
Osy ýaqytqa deıin júrgizilgen jumys nátıjesinde, 8 myńǵa jýyq adam BJZQ-dan tólemderdi belsendi formatta ala bastady.
«BJZQ QR «Qazaqstan Respýblıkasyndaǵy zeınetaqymen qamsyzdandyrý týraly» zańyna sáıkes zeınetkerlik jasqa tolǵan jáne BJZQ-da zeınetaqy jınaqtary bar adamdar qordan zeınetaqy tólemderin alýǵa quqyly ekenin eske salady. Osyǵan oraı, qor azamattarǵa zeınet jasyna tolýyna baılanysty BJZQ-dan zeınetaqy tólemderin taǵaıyndaý úshin turǵylyqty jeri boıynsha Memlekettik korporasııanyń bólimshelerine ýaqytyly júginýge keńes beredi. BJZQ-dan zeınetaqy tólemderi ótinish berilgen kúnnen bastap taǵaıyndalady jáne zeınetaqy jınaqtary taýsylǵanǵa deıin júzege asyrylady. Tolyq aqparatty 1418 tegin nómiri nemese BJZQ keńselerinen alýǵa bolady», delingen BJZQ habarlamasynda.
