О́ner • 30 Qarasha, 2022

Shertpe kúıler sherýi

87 ret kórsetildi

Qazaq kúı óneri degende, onyń úlken mektebine jatatyn shertpe kúılerge soqpaı kete almaımyz. Osy oraıda, 1-3 jeltoqsan aralyǵynda Almatyda ótetin respýblıkalyq «Shertpe kúı» dástúrli mýzyka festıvali – ult rýhanııatyn nasıhattaýda úlken oqıǵaǵa aınalmaqshy. Bul týraly Ortalyq kommýnıkasııalar qyzmeti alańynda Qazaq ulttyq óner ýnıversıtetiniń professory, kúıshi Janǵalı Júzbaev málim etti.

«Qazaqtyń kúı óneri ár­túr­li janrdan, aımaqtyq erek­she­likterden turatyny belgili. So­lardyń arasynda mánerge baı dástúrli bóligi – shertpe kúı. Son­dyqtan shertpe kúı­lerge ar­nalǵan festıval birin­shi­den kúı saıysy, ekinshiden Qazaq­stan­nyń túkpir-túkpirindegi ta­­lant­­ty oryndaýshylar bas qo­­syp, suhbattasatyn kúı jár­meń­­kesi bolmaq. Konkýrs baǵ­­dar­lamasynda elimizdiń óńir­lerinde damyǵan kúıshilik mek­tepter­diń, sondaı-aq qazaqtyń klassıka­lyq kúı mektebin jasa­ǵan iri tulǵalar – Táttimbet, Qo­jeke, Súgir, Álshekeı, Beıs­em­bi sııaqty iri kúıshilerdiń shyǵarmalary, halyq kúıleri oryndalady. Folklorlyq sanamyzda qalǵan kóne sazdar da osy festıval aıasynda tartylady. Jańa zaman kompozıtorlarynyń shertpe kúı salasyndaǵy eńbekteri de qamtylady. Keshegi iri kúıshiler T.Mombekov, K.Kúmisbekov, ataq­ty N.Tilendıevten qalǵan ádemi shertis, osy zamandaǵy S.Turys­bekov, B.Ysqaqov, M.Ábýǵazy sııaqty maıtalman kúıshilerge deıin jalǵasqan tamasha máner bar, dástúr bar. Osynyń bári kúı baǵdarlamasyna arnaıy engizildi. Bul kúı óneriniń toıy bolmaq», dedi kúıshi Janǵalı Álimhanuly.

Mádenıet jáne sport mı­nıs­trligi Mádenıet komıteti tór­aǵasynyń orynbasary Danııar Álıevtiń aıtýynsha, qazaq óneri men mádenıetin nasıhattaý maqsatynda qolǵa alynǵan iri jobalar arasynan oıyp oryn alatyny – osy «Shertpe kúı» festıvali 1-3 jeltoqsan aralyǵynda Al­maty qalasynda mejesine jetedi.

Qazirgi jahandaný zamanynda sananyń dekolonızasııasyn saqtap qalatyn jaýharlardyń biri kúı óneri desek, qatelespeımiz. Bul murany ulttyq dástúrimizdiń máıegi re­tin­de de atap ótýge ábden turar­lyq.

Qurmanǵazy atyndaǵy Qazaq ulttyq halyq aspaptar orkestriniń dırektory Medet Qýanyshev «Shertpe kúı» dástúrli mýzyka festıvali Qurmanǵazy atyndaǵy Qazaq ulttyq halyq aspaptar orkestriniń bazasynda alǵash ret uıymdastyrylyp otyrǵanyn atap ótti. Buǵan deıin mundaı shara respýblıka kóleminde Tal­dyqorǵan qalasynda ótken bolatyn. Baıqaý 2 týrdan turady jáne festıvaldiń jabylýy bolady. Qazylar alqasynyń quramyna Janǵalı Júzbaı, Seken Turys­bek, Bilál Ysqaq, Murat Ábýǵazy, Batyrjan Myqtybaev endi.

Sońǵy jańalyqtar

Astanada «Vaitursynuly.kz» saıtynyń tusaýkeseri ótti

Ahmet Baıtursynuly • 03 Aqpan, 2023

Tarazda tórt jasar balany toq soqty

Qoǵam • 03 Aqpan, 2023

Prezıdent qolónershiler kórmesin aralady

Prezıdent • 03 Aqpan, 2023

Uqsas jańalyqtar