Jobaǵa «О́nerkásipti damytý qory» AQ, Indýstrııa jáne ınfraqurylymdyq damý mınıstrligi qoldaý kórsetpek. Joba oıdaǵydaı júzege asýy úshin ınvestorlarǵa 250 mlrd teńgeden astam somaǵa qarjylandyrý jáne kredıt berý usynylady. Nesıe teńgemen beriledi jáne kredıt merzimi – 3 jyldan 20 jylǵa deıingi aralyqty qamtıdy. Azamattar bıznesin gúldendirý úshin 3 mlrd teńge jáne odan da joǵary somada nesıe resimdeı alady. Syıaqy mólsherlemesi – jyldyq 7 paıyz.
«Qarjylandyrý úshin jobalardy qaraý barysynda ótinish berýshilerdiń jergilikti qamtý jónindegi talaptar, óz óndirisiniń aınalasyndaǵy shaǵyn jáne orta kásiporyndardy damytý jáne Qazaqstan Respýblıkasynyń zańnamasynda kózdelgen ózge de mindettemeler sııaqty qarsy mindettemeleri mańyzdy mánge ıe bolady. Baǵdarlamany iske asyrý óńdeýshi ónerkásip kásiporyndarynyń negizgi qarajatyn jańartýǵa múmkindik beredi, shamamen 10 myń jumys ornyn qurady jáne saqtaıdy», delingen habarlamada.
Osyǵan deıin Ulttyq ekonomıka mınıstri Álibek Qýantyrov shaǵyn jáne orta bıznesti tekserýge jarııalanǵan moratorıı merzimi 2023 jyldyń sońyna deıin uzartylatynyn málimdegen edi.
