Dástúr boıynsha kezekti oqý kezeńi bastalar aldynda áskerı qyzmetshilerge saltanatty jaǵdaıda shtattyq qarý, bekitilgen jaýyngerlik tehnıka men qarý-jaraq tabys etildi.
Sonymen qatar jeke quramǵa qaýipsizdik sharalary boıynsha keshendi sabaqtar ótkizildi. Onda qarý-jaraq pen oq-dárilerdi, ýly jáne jarylǵysh zattardy paıdalaný qaǵıdalaryna, sondaı-aq shuǵyl medısınalyq kómek kórsetý tártibine basty nazar aýdaryldy.
Alǵashqy sabaq ótken jyldyń qorytyndylary shyǵarylyp, jańa oqý jylyna mindetter qoıylǵan memlekettik-quqyqtyq daıyndyqqa arnaldy. Qarýly kúshter úshin Memleket basshysynyń tapsyrmalaryn odan ári iske asyrý basym baǵyt bolyp tabylady. Onyń ishinde áskerı qaýipsizdiktiń ózekti qaterlerin eskere otyryp, Qarýly kúshterdiń qurylymy men quramyn jańǵyrtý, sıfrlyq tásilder arqyly áskerı basqarý júıesin jetildirý, armııany qarý-jaraq pen áskerı tehnıkanyń zamanaýı jáne joǵary tehnologııalyq úlgilerimen qaıta jaraqtandyrý, jaýyngerlik daıarlyqqa áskerlerdi qoldanýdyń jańa ádisterin engizý, jeke quramnyń kásibı deńgeıin arttyrý maqsatynda merıtokratııa qaǵıdaty negizinde áskerı bilim berý men kadr saıasaty júıesin damytý, áskerı qyzmetshilerdiń áleýmettik mártebesi, áskerı qyzmettiń bedeli jáne jastardy áskerı boryshyn oryndaýǵa yntalandyrý keńinen qamtylǵan.
Áskerlerdi daıarlaý jaýyngerlik jarys túrinde ótedi. «Qýatty armııa – Jańa Qazaqstan» uranymen ótetin jańa oqý jyly armııa men halyqtyń birligin kórsetedi.
