Osy joly Kaspıı teńiziniń akvatorııasynda sýda zardap shekken adamdardy izdeý jáne qutqarý boıynsha jattyǵý ótti. Bul jumystarǵa alǵash ret ushý quramyn daıyndaý maqsatynda TJM qutqarý avıasııasy jumyldyryldy.
Mamandar shartty túrde zardap shekken adamdardy áýe kemesine kóterýge mashyqtandy. Ushqyshtar tikushaqty áýege kóterip, zardap shekken adamdardy áýe kemesine kóterý jumystaryn júrgizdi. Osy jumystardy atqarý kezinde olarǵa birneshe ondaǵan metr bıiktikte tikushaqty ustap turý qajet boldy.
Jattyǵýǵa Qazavaıaqutqarý ushý quramy, Jedel-qutqarý jasaǵynyń qutqarýshylary, Mańǵystaý oblysy TJD jeke quramy qatysty.
Ushý quramyn daıyndaý jumystary barysynda qutqarý jumystarynyń kúrdeli jáne mańyzdy elementteri pysyqtaldy, atap aıtqanda:
- zardap shekken adamdy sý betinen qutqarý jáne evakýasııalaý, evakýasııalanǵan tikushaqtyń tartý qurylǵysyn qoldana otyryp, bortqa kóterý;
- zardap shekken adamdy jaǵalaýdaǵy jetýi qıyn jerlerden qutqarý jáne evakýasııalaý;
- jedel-qutqarý jasaǵynyń qutqarýshylarymen ushý ekıpajynyń júıeli is-qımyldary.
Jattyǵý josparyna sáıkes teńiz akvatorıinde bolǵan avarııa týraly aqparat kelip tústi. Zardap shekken adamdar jaǵalaý men teńizden tabyldy. Ol jerge evakýasııalaý jumystaryn júrgizýge tehnıkanyń ótý múmkindigi bolmaǵandyqtan, qutqarý avıasııasyn jumyldyrý qajet boldy.
Jattyǵý jaqsy daıyndyqty kórsetti jáne adamdardy qutqarý isinde oń nátıjelerge qol jetkizýge múmkindik beredi.
