Oqıǵa • 03 Jeltoqsan, 2022

Eki bala kóz jumdy: Shýda jeke úı órtenip ketti

319 ret kórsetildi

Túnde Jambyl oblysynyń Shý qalasynda jeke úıden órt shyqqan. Nátıjesinde eki bala kóz jumǵan. Bul aqparatty óńirdiń tótenshe jaǵdaılar departamentiniń baspasóz qyzmeti rastap otyr, dep habarlaıdy Egemen.kz.

Qaıǵyly oqıǵa jeltoqsannyń 2 juldyzynan 3-ne qaraǵan túni oryn alǵan. Shý qalasyndaǵy jeke úılerdiń birinen órt shyǵyp, qyzyl jalyn jalpy aýdany 30 sharshy metrdi aýmaqty sharpyǵan. Úıdegi zattar men barlyq jıhazdar janyp ketken.

«О́rt saǵat 00:10-da oqshaýlanyp, saǵat 00:35-te «SPıASR» memlekettik mekemesiniń kúshimen joıyldy. Ony sóndirýge 4 qyzmetker jáne 1 tehnıka jumyldyryldy», dep málimdedi TJD baspasóz qyzmetinen.

Quzyrly organ málimetinshe, tilsiz jaý aýyzdyqtalǵannan keıin oqıǵa ornynan 5 jáne 2 jastaǵy eki balanyń máıiti tabylǵan.

Aıta ketý kerek, bul úıde profılaktıkalyq jumys 2022 jyldyń 22 qazanynda júrgizildi - órt sóndirýshiler reıdtik is-sharalar barysynda osy úıge baryp, órt qaýipsizdigi erejelerin túsindirgen.

Osy órt faktisi boıynsha QK 292-babynyń 3-bóligi «órt qaýipsizdigi talaptaryn buzý» boıynsha qylmystyq is qozǵaldy. Qazirgi ýaqytta atalǵan qylmystyq is sheńberinde tergeý is-sharalary júrgizilýde.

Sońǵy jańalyqtar

Dollar 460 teńgeden tómen tústi

Qarjy • Búgin, 17:08

Erteń elordada Úkimet otyrysy ótedi

Úkimet • Búgin, 14:21

Uqsas jańalyqtar