«3 jeltoqsan kúni saǵat 19:30-da Qaraǵandy oblysynyń Tótenshe jaǵdaılar departamentine Osakarov aýdany Telmanskoe aýylynyń turǵyny joǵalyp ketkeni týraly habarlama kelip tústi. 1966 jyly týǵan er adam tańerteń mal izdeýge shyǵyp, úıine oralmaǵan», delingen habarlamada.
TJD málimetinshe, izdeý-qutqarý jumystaryn júrgizý úshin TJD, polısııa, jergilikti atqarýshy organdar jáne jergilikti turǵyndar qatarynan izdeý toptary jiberilgen. 4 jeltoqsanda joǵalǵan adamdy izdeýge «Qazavıaqutqarý» AQ tikushaǵy jumyldyrylǵan. Áýeden izdeý jumystary Telman, Shoqaı jáne Saryózek aýyldyq okrýgteriniń aýmaǵynda júrgizilgen.
4 jeltoqsan kúni tústen keıin joǵalǵan adam Saryózek aýylynan tabylǵan. Er adam qatty borannyń saldarynan jolynan adasqan. Shamamen 60 km júrip ótip, ol eski qaraýsyz qalǵan úıdi panalap, sol jerde túnegen. Er adamda bári jaqsy, jyly kıingeniniń arqasynda jan saqtaǵan eken. Medısınalyq kómek qajet bolmady.
