Qujat qabyldaý 12 jeltoqsanǵa deıin joǵary oqý oryndarynyń qabyldaý komıssııalary, onyń ishinde vırtýaldy qabyldaý komıssııalary arqyly júzege asyrylady. Barlyǵy 8 myńnan astam adam magıstratýraǵa túsý úshin emtıhan tapsyrdy. Olardyń 40%-ǵa jýyǵy shekti ball jınady. Ortasha kórsetkish – 69 ball. Eń joǵary ball – 127.
Keshendi testileý ótkizý barysynda 80 qatysýshynyń nátıjesi joıyldy. Onyń ishinde 32 oqýǵa túsýshi smartfon, shpargalka jáne basqa da tyıym salynǵan zattardy alyp ótýge tyrysqany úshin test tapsyrý múmkindiginen aıyryldy. Keshendi testileý kezinde erejelerdi buzǵany úshin aýdıtorııadan 48 adam shyǵarylyp, olardyń nátıjeleri joıyldy.
Magıstratýrada oqýǵa arnalǵan bilim berý granttary keshendi testileý nátıjeleri boıynsha konkýrstyq negizde beriledi.
Grant konkýrsyna qujattardy qabyldaý 6-12 jeltoqsan aralyǵynda JOO-lardyń qabyldaý komıssııalary, onyń ishinde onlaın vırtýaldy komıssııalar arqyly júzege asyrylady. Iаǵnı, bolashaq magıstranttar qujattardy dástúrli jáne onlaın formatta tapsyra alady.
Konkýrsqa qatysý úshin kelesi qujattardy tapsyrý qajet: jeke kýáliktiń kóshirmesi, joǵary bilimi týraly qujat (dıplom jáne qosymshasy); KT sertıfıkaty jáne bar bolǵan jaǵdaıda shet tilin meńgergendigin rastaıtyn halyqaralyq sertıfıkattar. 075/ý nysanyndaǵy medısınalyq anyqtamany joǵary oqý ornyna túskende tapsyrýǵa bolady.
«Qujattardy tapsyrý kezinde oqýǵa túsýshi bilim berý baǵdarlamalarynyń bir tobyn jáne úsh joǵary oqý ornyn kórsetedi. Magıstratýraǵa bilim berý grantyn taǵaıyndaý konkýrsy 15-25 jeltoqsan aralyǵynda ótedi. Magıstratýraǵa túsýshiler 4 myńǵa jýyq memlekettik bilim grantyna úmitker bola alady», dep habarlady QR ǴJBM Ulttyq testileý ortalyǵynyń dırektory Rýslan Emelbaev.
Magıstratýraǵa bilim berý granty ıegerleriniń tizimi QR ǴJBM Ulttyq testileý ortalyǵynyń saıtynda jáne áleýmettik jelilerinde jarııalanady.
