Jasóspirimderge jol ashqan birinshilik

Bási joǵary básekede Astana qalasy ákimdiginiń №2 Balalar men jasóspirimder sport mek­tebiniń sportshylarymen qatar Qostanaı, Petropavl, Hromtaý jáne Almaty qalasynyń úzdik konkıshileri jarystyń kórigin qyzdyrdy. Ashyq birinshilikke qatysýǵa 130 sportshy nıet bil­dirgen soń, qala ákimdigi ba­la­lar men jasóspirimder qa­ty­satyn dodany dástúrge aı­naldyrýdy kózdep otyr. Jarystyń sharty boıynsha balalar 5 jas sanaty boıyn­sha synǵa tústi. Aıtýly týrnırdiń birinshi kúninen-aq jasóspirimder komandalyq synda baǵyn synap, babyn baı­qatty. Tórt aınalymdyq ara­las komandalyq sprıntte ár komandadan 2 qyz jáne 2 ul óner kórsetti. Nátıjesinde, Petropavl qalasynyń órenderi  – Alına Shúmekova, Krıstına Shú­mekova, Artem Savelev, Vladımır Dovjenko bastaǵan tórt­tik qarsylastaryn shań qap­tyrdy. Al ekinshi oryndy Astana-2 komandasy enshilese, úshinshi oryn elordanyń úshin­shi (Astana-3) komandasyna buıyrdy.

Sáti túskende Petropavl qala­syndaǵy Balalar men jas­óspirimder sport mekt­biniń jat­­tyqtyrýshysy Ol­ga Ih­ten­­dresten konkı­men júgirý sporty týraly jáne ja­rysqa kelgen bala­lardyń aıaqalysy jaıynda suraǵan edik.

– Biz «Alaý» muz aıdynyna jıi kelýge tyrysamyz. Petropavlda mundaı sapaly muz aıdyny joq. Osy keshende jas konkıshilerdiń belgili bir jyldamdyqqa júgirýge, ar­naıy jattyǵýyn jasap, ja­rysqa daıyndalýyna tolyq múm­kindigi bar. Sol úshin de el bi­rinshiliginen bólek baı­raqty básekeler de osy elordada uıym­dastyrylady. Ba­lalar men jasóspirimder arasynda osyndaı týrnırler jıi uıym­dastyrylsa, biz de qýa­namyz. Kezekti alamanǵa Pe­tropavl qalasynan 40 ul-qyz alyp keldik. Balalar jas erekshelikterine qaraı bes topta synǵa túsedi. Biz ja­rys­­qa ózge qalalardan buryn ke­lip, birer kúndi jattyǵýǵa, ba­­lalardyń daıyndyǵyna ar­nadyq. Petropavlda Astana qalasyndaǵydaı jabyq muz aıdyny joq. Ári bizdegi jarys jolaǵy shaǵyn, ıaǵnı standartqa saı emes. Amal joq, aýa raıynyń qolaısyzdyǵyna qaramaı da­ıyn­dalamyz. О́ıt­keni daryndy balalar tasada qalmaýy kerek, – deıdi ol.

Tájirıbeli jattyqtyrýshy O.Ihtendres Petropavl qala­syndaǵy jas konkı sheber­leriniń qataryndaǵy Alına jáne Krıstına Shúmekovalar syndy egiz qyzdardyń óz jasyna ábden laıyq óner kór­setip júrgenin aıtady. Jat­tyqtyrýshylar buǵan deıin de talaı jarys­ta top jaryp júrgen úz­dikterge osy týr­nır­de de zor senim artyp otyr. Mysaly, jarystyń al­ǵash­qy kúnindegi komandalyq synda Alına men Krıstına ko­mandalastaryn alǵa súı­redi. Petropavldyń úz­dik­teri aýyldan shyqqan. Qa­zir Petropavldaǵy sport ın­ter­natynda jattyǵady. Jat­tyq­tyrýshylar 14 jastaǵy Var­vara Glýhova esimdi sport­shynyń da úzdikter qatarynan kórinetinine ishteı senim artyp otyr. Ázirge Petropavl qa­la­synyń atynan muz aıdynyna shyǵatyn kishi toptaǵy uldardyń júldege iligýi ekitalaı eken. О́ıtkeni jasy kishi uldar muz aıdynyna jıi shyqpaıdy. Desek te sport mektebiniń jat­tyq­tyrýshylary 2024 jyly óte­tin jasóspórimder Olım­pıa­dasyna joǵaryda esimderi atal­­ǵan úzdikterdi qosýǵa nıet­ti. Ol úshin, árıne, jas­ós­pi­rimder el chempıonatynda qa­tar­­lastarynan táýir nátıje kór­setýge tıis.

– Jaqsy nátıjege qol jet­­kizý úshin balalardyń da­ıyndyǵyna joǵary mán berý kerek. Sondyqtan olardyń durys tamaqtanýyna, salmaǵyn qalypty deńgeıde ustap, fı­zıkalyq áleýetin nyǵaıtýǵa erekshe mán beremiz. Konkı tebý úshin de kúsh kerek. Kon­kıshilerdiń jaýyryny, aıaq-qolynyń kúshi myǵym bolýy da mańyzdy. О́ıtkeni konkımen júgirýde adamnyń bul­shyq eti kómektesedi. Áıt­ken­men balalardyń dene bitimi qalyptasqansha jeńil jat­ty­ǵýlar jasatamyz. Kon­kımen syrǵanaýdy aıtpaǵanda, muzda tik turýdyń ózine jylǵa jýyq ýaqyt ketedi. Árıne, balalar arasyndaǵy básekelerde astanalyqtardyń aldyna tú­setin komanda joq dep aıtýǵa bolady. Biraq biz de qarajaıaý emespiz. Keminde ár jarys­tan birli-ekili sportshymyz júl­deli oralady. Muny táýir nátıje dep bilemiz. Balalardyń barlyq shyǵynyn sport mektebi óteıdi. Jas konkıshilerge jaǵdaı jasap otyrǵan óńir­degi sport basqarmasyna alǵy­symyz zor. Nege deseńizder, biz­degi balalardyń barlyǵy qa­rapaıym otbasydan shyqqan. Tipti balalardyń arasynda áleýmettik jaǵdaıy tómen ot­basynda tárbıelenetin bal­ǵyndar bar. Biraq sport tarıhynda baby kelisip, baǵy janǵan sportshylardyń deni osyndaı qarapaıym otbasynda tárbıelengenin qaperden shyǵarmaýymyz kerek, – deıdi O.Ihtendres.

Demek, elordadaǵy týrnırde jasyndaı jarqyraǵan jas­óspirimderdiń keleshekte konkımen júgirýden ulttyq quramanyń sapynda álemdik dodalarda óner kórsetýge múm­­kindigi mol. Endeshe, týr­nır­de top jarǵan daryndy bala­lar­dyń sporttyq mansaby tabys­ty bolǵaı demekpiz.