Kezdesý barysynda Zhaik Petroleum LTD qazaqstandyq kompanııasy men qytaılyq kompanııa arasynda EPC-kelisimshartqa (bul jobalaý, satyp alý jáne qurylysty qamtıtyn kelisimshart) qol qoıyldy. Osy kelisimshart arqyly Batys Qazaqstan oblysynda ónimdiligi 130 myń tonna metanol óndirýge qaýqarly gaz-hımııa keshenin salý kózdelip otyr.
«Elimizdiń tarapy bul jobany tabysty iske asyrý maqsatynda qajetti qoldaýdy kórsetýge daıyn. Qazir «Báıterek» Ulttyq basqarýshy holdıngi» AQ-nyń damý ınstıtýttarymen birlesip, osy jobany qarjylandyrý boıynsha tıisti jumystar bastaldy. О́z tarapymyzdan jobalaý men qurylysty júzege asyrý, sondaı-aq jobany sátti iske asyrý úshin qajetti jabdyqtardy jetkizý jónindegi josparlaryńyzdy quptaıtynymyzdy aıtqymyz keledi», dedi Qaıyrbek О́skenbaev.
Osy rette qurylys-montaj jumystary kezeńinde 500-ge jýyq jumys orny, sondaı-aq keshen iske qosylǵannan keıin 220 turaqty jumys orny ashylady dep josparlanyp otyr. Jobanyń jalpy quny – 140 mln dollar.
Atalǵan gaz-hımııa kesheni 2024 jyldyń aıaǵyna qaraı iske qosylmaq. Budan keıin quny 200 mln dollarǵa ammıak pen karbamıdti shyǵarýǵa baılanysty jobanyń ekinshi kezeńi iske asyrylady dep qarastyrylǵan.
