Aımaqtar • 07 Jeltoqsan, 2022

Kezekte – jer úıler

41 ret kórsetildi

Ekibastuzda apat saldarynan áli de bolsyn jylýǵa qosylmaǵan kópqabatty 4 turǵyn úı qaldy. Keshe tańerteńgilik №6 shaǵyn aýdanda oramishilik taǵy bir qubyr jarylyp, zaqymdaný kóp uzamaı qalpyna keltirildi.

Apatty joıý jónindegi shtab basshysy – Premer-Mınıstrdiń birinshi orynbasary Roman Sklıardyń habarlaýynsha, 6 jeltoqsan kúni saǵat 08.00-degi jaǵdaı boıynsha páterlerdi jylýǵa qosý jumystary 4 úıde júrgizilip jatyr. Bul jumystardy keshe keshke deıin aıaqtaý josparlanǵan. Sondaı-aq keshe tańǵy saǵat bester shamasynda №6 shaǵyn aýdandaǵy oramishilik jylý jelisinde qubyr jarylyp, Baýyrjan Momyshuly jáne Máshhúr Júsip kóshelerindegi 15 turǵyn úıde ystyq sý joǵalyp ketti. Jóndeýshiler bul apatty kóp uzatpaı retke keltirdi.

Búginge deıin zardap shekken páterlerge 2 myńnan astam jylý batareıalary ornatyldy. Brıgadalarda qosymsha 4 myń batareıa bar.

– Negizgi problema týyndap turǵan úıler – Sátbaev kóshesi, №8 úıdegi 3, 4, 5, 6-shy korpýstar, Máshhúr Júsip kóshesi, 52-úıdegi 3, 4, 5, 6-shy korpýstar, Máshhúr Júsip kóshesindegi, 55, 46, 46A, Baýyrjan Momyshuly kóshesi, №68 úıler. Qubyrlar men regısterlerdi aýystyrý jumystary táýlik boıy júrýde, – dedi jedel shtab ótkizgen brıfıngte Pavlodar oblysy ákiminiń mindetin atqarýshy Oleg Krýk.

Qala basshysy Aıan Beısekın aýyzsý júıeleri qatyp qalǵan 28 úıde qubyrlardy jibitý júrgizilip jatqanyn atap ótti. Mundaı úıler sany – 46.

– Jylý jelilerinde óte úlken teńgerimsizdik baıqalady. Keıbir páter ıeleri úıleriniń asa ystyq ekenin, aıazda tereze ashyp otyrǵandaryn aıtady. Al ózge aýmaqtarda jylý parametrleri durys kóterilmeı tur. Endi bir PIK-ter qalada apat oryn alǵan kúni ózderine qarasty úılerdiń jylý jelisindegi sýdy aǵyzyp jibergen. Sebebi ondaǵy qysym men jylý kórsetkishteri óte tómen bolǵan deıdi. Shaharda 420 shaqyrym jylý jelisi bar. Bul toraptardyń barlyǵyn retteý, teńgerimge keltirý áli de bolsyn biraz ýaqytty qajet etedi, – dep atap ótti ol.

Jylýdan ajyrap turǵan jer úılerge de jóndeý brıgadalary jiberilýde. Alaıda bul jerlerdegi qalpyna keltirý jumystarynda sý kóp ysyrap bolýyna baılanysty barlyq úıdi bir mezgilde qosý múmkin emes.

Kesheden bastap óńirde aıaz taǵy qysa túsýine baılanysty turǵyndar tozyp turǵan júıege alańdaýshylyq tanytýda.

 

Pavlodar oblysy,

Ekibastuz qalasy

Sońǵy jańalyqtar

Tarazda tórt jasar balany toq soqty

Qoǵam • Búgin, 22:51

Prezıdent qolónershiler kórmesin aralady

Prezıdent • Búgin, 21:01

Uqsas jańalyqtar