Aımaqtar • 07 Jeltoqsan, 2022

Aqtóbe oblysynda gaz jarylyp, eki adam zardap shekti

91 ret kórsetildi

Aqtóbe oblysy Shubarshy aýylynda oqys oqıǵa boldy. Gaz-aýa qospasynyń jarylýy saldarynan eki jergilikti turǵyn zardap shekti, bir úı qulady, dep habarlaıdy Egemen.kz oblystyń Tótenshe jaǵdaılar departamentine silteme jasap.

Vedomstvonyń baspasóz qyzmeti habarlaǵandaı, túngi saǵat 2-de dıspetcherlik qyzmetke jeke turǵyn úıde gaz ballony jarylǵany týraly qońyraý túsken.

Oqıǵa ornyna jetken qutqarýshylar gazdyń jarylǵanyn anyqtady. Úıdiń qabyrǵalary men shatyry opyrylyp, eki adam zardap shekti.

«Aldyn ala boljam boıynsha, gaz jylytý qazandyǵynyń durys jumys istemeýinen jarylyp, odan keıin 84 sharshy metr aýmaqta úıdiń qabyrǵasy men shatyry opyrylǵan. Naqty sebebin saraptama anyqtaıdy. Eki adam zardap shekti – áıel men onyń qaıyn atasy. Zardap shekkender Keńqııaq aýylynyń aýdandyq aýrýhanasyna jatqyzyldy. Olardyń jaǵdaıy turaqty»,  dep habarlady TJD baspasóz qyzmetinen.

Sońǵy jańalyqtar

Prezıdent qolónershiler kórmesin aralady

Prezıdent • Búgin, 21:01

Uqsas jańalyqtar