Áýe kompanııalaryna aıyppul salyndy

«Qazaqstan Respýblıkasynyń áýe keńistigin paıdalaný jáne avıasııa qyzmeti týraly» zańyna sáıkes  reıstiń keshigýine áýe kompanııasy kináli bolǵan jaǵdaıda jolaýshylarǵa salqyn sýsyn, ystyq tamaq, qonaqúıde turý men oǵan baryp-qaıtýǵa deıin kólik tegin túrde usynylýǵa tıis», dedi Azamattyq avıasııa komıteti avıasııalyq tasymaldar basqarmasynyń basshysy Ádilet Kóbenov.

Bul oraıda kórsetiletin qyz­met­ter talapqa saı usynyl­maǵan jaǵdaıda áýe kompanııasy ákimshilik jaýapqa tartylatynyn aıta ketý kerek. Shildeden bas­tap reısterdiń keshigýi saldarynan jolaýshylardyń quqyqtary saqtalmaǵandyqtan qazaqstandyq áýe kompanııalaryna 8 myń (8 ret) AEK somasyna deıin aıyppul salynǵan. Sonymen qatar qol­danystaǵy zańnamaǵa sáıkes jolaýshylar jumsalǵan ár saǵat úshin bılet qunynyń 3 paıyzy mólsherinde (aıyppul túrinde) ótemaqy alýǵa quqyly.

О́z kezeginde otandyq áýe kompanııalary Indýstrııa jáne ınfraqurylymdyq damý mı­nıstri Qaıyrbek О́skenbaevtyń áýe kemeleri parkin ulǵaıtýǵa qa­tys­ty tapsyrmasynyń oryn­dalýy jóninde aıtyp berdi. M­áselen, bıyl shilde­den bas­tap qazaqstandyq tasymaldaý­shy­lardyń áýe parki 7 ushaqpen tolyqtyryldy. Atap aıtqan­da, SCAT kompanııasy 5 ushaq alsa, Fly Arystan jáne «Eır Astana» áýe operatorlary bir-bir ushaqqa qol jetkizdi. Budan bólek áýe tasymaldaýshylar jańa ushaqtardy alýǵa baılanysty aldaǵy jospar­larymen de bólisti. Mysaly, SCAT kompanııasy «B-737» úlgidegi taǵy 2 áýe kemesin, sonymen birge Fly Arystan men «Eır Astana» taǵy da bir-bir ushaqtan satyp alý­dy kózdep otyr. Qazir kompanııa­lar jańa baǵyttardy ashý men qoldanystaǵy marshrýttardyń reısterin kóbeıtý boıynsha jumysty iske asyryp jatqanyn aıta keteıik.

Buǵan qosa keńeste reıs­ter keshiktirilgen jaǵdaıda jolaý­shylardyń jaýapkershiligin kú­sheıtý jónindegi qazirgi zań­na­many jetildirý josparlary da aıtyldy.

Avıasııalyq tasymaldar bas­qarmasynyń basshysy A.Kó­benov qazaqstandyq áýe tasy­mal­daýshylardyń nazaryn reıs­terdi ýaqtyly oryndaýǵa, son­daı-aq olar keshiktirilgen kezde jolaý­shylardyń quqyqtaryn qatań saqtaý qajettiligine aýdardy.