Aqparat jáne qoǵamdyq damý mınıstri Darhan Qydyráli atap ótkendeı, zań jobasy memlekettik jastar saıasaty salasyn jetildirýge, qoǵamdyq qatynastardy keshendi retteýdiń tıimdi quqyqtyq negizin qalyptastyrýǵa, halyqty jumyspen qamtýǵa jáne jastardyń damýyna qajetti múmkindikter jasaýǵa baǵyttalǵan.
«Zań jobasy aıasynda jastardyń jasyn 29-dan 35-ke deıin ulǵaıtýǵa baǵyttalǵan túzetý engizildi, bul jastardyń áleýmettik belsendiligin arttyrýǵa áser etedi. Jastardy jeńildikpen jalǵa beriletin turǵyn úımen qamtamasyz etý baǵdarlamasyn ázirleý jáne iske asyrý boıynsha jergilikti atqarýshy organdarǵa jańa quziretti berý boıynsha túzetýler engizildi», dedi Aqparat mınıstri Darhan Qydyráli
Sonymen qatar áleýmettik blok týraly zań jobasy aıasynda Memleket basshysynyń 2022 jylǵy 1 qyrkúıektegi Joldaýyn iske asyrýǵa kelesideı túzetýler engizildi:
- Bala kútimi boıynsha tólemderdi taǵaıyndaý merziminiń uzaqtyǵyn 1,5 jylǵa deıin ulǵaıtý;
- Eń tómengi bazalyq zeınetaqynyń mólsherin eń tómengi kúnkóris deńgeıine – 70%-ǵa, eń joǵary bazalyq zeınetaqynyń mólsherin – 120%-ǵa deıin dáıekti túrde jetkizý;
- Áıelderdiń zeınetkerlik jasyn 2028 jylǵa deıin 61 dep belgileý;
- Jasyna qaraı zeınetaqy tólemderin esepteýdiń kiris shegin 46 eselengen aılyq eseptik kórsetkishten 55 esege deıin arttyrý.
«О́zderińiz biletindeı, jastarymyzdyń bilim alýyna, jumysqa ornalasýyna, densaýlyǵyna, ózin-ózi damytýǵa, elimizdiń áleýmettik-ekonomıkalyq jáne qoǵamdyq-saıası ómirine tolyqqandy qatysýyna teń múmkindikter men qolaıly jaǵdaılar jasaý ózekti másele. Onyń qabyldanýy memlekettik organdardyń memlekettik jastar saıasatyn iske asyrýdaǵy qyzmetiniń tıimdiligin arttyrýǵa múmkindik beredi dep oılaımyz», Darhan Qydyráli.
