Sport • 08 Jeltoqsan, 2022

Astanada qol dobynan respýblıkalyq týrnır ótip jatyr

49 ret kórsetildi

Elordadaǵy «Ál-Farabı» atyndaǵy oqýshylar saraıynda 2008 jyly týǵan jáne odan kishi uldar men qyzdar komandalary arasynda qol dobynan «Astana kýbogy» úshin jáne QR Bilim berý isiniń Qurmetti qyzmetkeri Erbol Irgebaıdy eske alý maqsatynda Respýblıkalyq týrnır ótip jatyr, dep habarlaıdy Egemen.kz elorda ákimdiginiń resmı saıtyna silteme jasap.

Básekeniń saltanatty ashylýyna qalalyq sport basqarmasy basshysynyń orynbasary Erkeǵalı Korbozov, Astana qalasy Bilim basqarmasynyń basshysy Qasymhan Senǵazyev qatysty.

«Bárimizge málim Erbol Islámuly – Astana mektep oqýshylarynyń arasynda alǵash bolyp gandbol sport túriniń damýyna úles qosqan jandardyń biri. Álkeı Marǵulan atyndaǵy №40 mektepte seksııa ashylýyna barlyq múmkindikti jasady. Keıinnen ál-Farabı atyndaǵy oqýshylar saraıynda da gandbol seksııasy jumysyn bastady. Erbol Irgebaı Astana qalasy gandbol federasııasynyń vıse-prezıdenti bolǵan. Búgingi kúni seksııa tárbıelenýshileri elimizdiń qurama komandasynda oınaıdy. Osyndaı ıgi bastamany qoldap basyn bastap ketken aǵamyzǵa rızashylyǵymyzdy bildiremin. Osy týrnırge О́zbekstan elinen arnaıy kelgen sportshylarǵa, sonymen qatar Aqmola, Qaraǵandy sekildi oblystardan qatysyp otyrǵan komandalarǵa sáttilik tileımin. Jeńisti kúnder kop bolsyn», dedi qalalyq Bilim basqarmasynyń basshysy.

Qol doby básekesi aınalma júıe boıynsha ótedi, onda 8 komanda ózara baq synaıdy. Jarystyń baǵdarlamasy boıynsha 10 jeltoqsanǵa deıin komandalar arasynda kezdesýler ótedi. Al 11 jeltoqsan kúni saǵat 14:00-ge jarystyń aqtyq oıyndary men marapattaý rásimi josparlanǵan.

Sońǵy jańalyqtar

Elimizde et konservileriniń óndirisi artty

Ekonomıka • Búgin, 14:25

Elordada gazel avtokóligi janyp ketti

Elorda • Búgin, 12:18

Uqsas jańalyqtar