Oblystyq Tótenshe jaǵdaılar departamenti 7 jeltoqsan kúni saǵat 21:40-ta Panfılov aýdany, Úlken aýylynda turǵyn úı órtengenin habarlady. О́rt 22:22-de 50 sharshy metr aýmaqta sóndirildi.
Bul rette órtti habarlaǵan er adam órt sóndirýshiler kelgenge deıin janyp jatqan úıdiń balalar bólmesinen 2010, 2014 jáne 2018 jyly týǵan úsh balany shyǵarǵan. Budan soń, uıyqtap jatqan ata-anaǵa úıden shyǵýǵa kómektesken. Keıin úıden eki gaz ballonyn shyǵaryp, órtti ózdiginen sóndirýge kirisken.
Balalardy qutqarǵan qaharman qyzmetten bos ýaqytynda úıde bolǵan Jarkent qalasy PCh-11 órt sóndirýshisi, azamattyq qorǵaý kishi serjanty Aıtbaev Erkebulan Turǵanuly bolyp shyqty.
О́rttiń aldyn ala sebebi - qatty otynmen jumys isteıtin peshti paıdalaný kezinde órt qaýipsizdigi erejelerin saqtamaý.
