Qoǵam • 08 Jeltoqsan, 2022

Qazaqstanda nashar ınternet úshin aıyppul kólemi artady

78 ret kórsetildi

Senat depýtaty Ǵalıasqar Sarybaev Qazaqstanda sapasyz ınternet úshin baqylaýdy kúsheıtip, aıyppuldy kóbeıtýdi usyndy, dep habarlaıdy Egemen.kz.

Senator Ǵalıasqar Sarybaev Premer-Mınıstrdiń atyna joldaǵan depýtattyq saýalynda qala men aýyldaǵy ınternetke qoljetimdilik tepe-teńdiginiń buzylýyna toqtaldy.

«Data ortalyqtary men serverler halyqaralyq standartqa múldem saı emes. Bilim jáne ǵylym, densaýlyq saqtaý, áleýmettik qyzmet, ekonomıka salalaryndaǵy LMS, ERP ıntegrasııalanǵan qashyqtyqtan oqytý platformalary tolyq jumys istemeıdi», dedi senator.

Sarybaevtyń aıtýynsha, elimizde 100 adamnyń 15-i turaqty ınternetke qosylsa, aýyldyq jerlerde 100 adamnyń 8-i ǵana ınternetpen qamtamasyz etilgen.

«Qoldanystaǵy zańnamaǵa ınternet sapasyna qoıylatyn talaptardy qataıtý jáne retteýshi tarapynan aıyppul kólemin arttyrý boıynsha usynystar engizýińizdi suraımyz. Biz iri sıfrlyq habtardy salýdy, sondaı-aq joǵary deńgeıdegi IT mamandardy oqytýdy usynamyz», dep túıindedi sózin senator.

Buǵan deıin Qazaqstanda sapasyz operatorlarǵa salynatyn aıyppul 10 esege ósken edi.

Sońǵy jańalyqtar

Elimizde et konservileriniń óndirisi artty

Ekonomıka • Búgin, 14:25

Elordada gazel avtokóligi janyp ketti

Elorda • Búgin, 12:18

Uqsas jańalyqtar