Qarjy • 09 Jeltoqsan, 2022

Almatynyń 2023 jylǵa arnalǵan bıýdjeti bekitildi

154 ret kórsetildi

Almaty qalasynyń 2023 jylǵa arnalǵan bıýdjeti 1 trıllıon 258,2 mıllıard teńgeni quraıdy, dep habarlaıdy Egemen.kz.

Máslıhat depýtattary kezekten tys sessııada 2023 jylǵa arnalǵan qala bıýdjetin bekitti. 2022 jylǵa arnalǵan bıýdjet túsimderiniń boljamdy baǵalaýy boıynsha 2023 jylǵa arnalǵan kirister boljamynyń ósimi shamamen 103 paıyzdy quraıdy.

Sonymen qatar qala bıýdjeti kelesideı bólinedi:

- muǵalimderdiń, medısına qyzmetkerleriniń eńbekaqysyna, vaksına satyp alýǵa, halyqty áleýmettik qoldaýǵa 776,6 mlrd teńge;

- ınfraqurylymdyq jobalardy qarjylandyrýǵa 230 mlrd teńge;

- bıýdjet qarajatyn alyp qoıýǵa 207,2 mlrd teńge;

- Memlekettik-jekemenshik áriptestik boıynsha mindettemeler jáne memlekettik qaryzdy óteý boıynsha 21,4 mlrd teńge;

- Almaty qalasy ákiminiń rezervin tolyqtyrýǵa 22,5 mlrd.

Ákimdiktiń habarlaýynsha, 2520 oryndyq 10 memlekettik balabaqsha salý josparlanýda, taǵy 5 myń oryn memlekettik tapsyrys boıynsha jekemenshik balabaqshalarǵa beriledi.

Jalpy 337 myń oqýshy oqıtyn 211 mektep, 16 ınternat, 50 kolledj salýǵa 242,5 mlrd teńge jumsaý josparlanǵan. Taǵy 2,2 mlrd teńge 18 mektepten tys uıymdardyń qosymsha bilim berýine qarastyrylǵan.

Sondaı-aq qaıta daıarlaý jáne biliktiligin arttyrýǵa arnalǵan 2505 qyzmetkerin daıyndaý, 3000 mektep muǵalimin, 150 basqarýshy personaldy arttyrýǵa 2,8 mlrd teńge bólinedi.

Sońǵy jańalyqtar

Astanada «Vaitursynuly.kz» saıtynyń tusaýkeseri ótti

Ahmet Baıtursynuly • 03 Aqpan, 2023

Tarazda tórt jasar balany toq soqty

Qoǵam • 03 Aqpan, 2023

Prezıdent qolónershiler kórmesin aralady

Prezıdent • 03 Aqpan, 2023

Uqsas jańalyqtar