Nesıege qoljetimdilikti keńeıtý esebinen aýyl halqynyń tabysyn arttyrý jónindegi jobany iske asyrý bastaldy. Oǵan kelesi jylǵa 70 mlrd teńge bólý kózdelgen.
Jalpy 5 jyldyń ishinde osy jobaǵa 1 mln-nan astam aýyl turǵynyn qamtı otyryp, 1 trln teńge baǵyttaý josparlanyp otyr. Osy jumys aıasynda barlyq jeke úı sharýashylyqtyń jartysyn kooperatıvtik kásipkerlikke tartý josparlanyp otyr. Sondaı-aq 350 myńnan astam jańa jumys orny qurylady dep kútilýde. Sonymen qatar Álıhan Smaıylov qazirgi ýaqytta halyqtyń tabysyn arttyrýdyń 2025 jylǵa deıingi baǵdarlamasy odan ári iske asyrylyp jatqanyn atap ótti. Onyń sheńberinde 3 mln-nan astam adamnyń jalaqysy ósti. Dárigerlerdiń jalaqysy 30%-ǵa deıin, muǵalimderdiki – 25%-ǵa, bıýdjet sferasynyń basqa qyzmetkerleriniń jalaqysy – 20%-ǵa, óndiristik personaldyń jalaqysy – 10-50% aralyǵynda kóterilgen.
«Baǵdarlama aıasynda bıyl 11 aıda 563 myń jańa jumys orny quryldy, bul josparlanǵan kórsetkishten 27%-ǵa joǵary. Budan basqa, Úkimet azamattardy jumyspen qamtý boıynsha is-sharalardy belsendi iske asyrýda. Bıyl 830 myńnan astam adam jumysqa ornalasty, sonyń ishinde 233 myńy – jastar», dep jazylǵan Úkimettiń baspasóz qyzmeti taratqan habarlamada.
