Úsh jas tobyn (eresekter, jastar jáne jasóspirimder) qamtyǵan tuńǵysh Álem chempıonatyna 40-qa jýyq memlekettiń 350 balýany qatysyp jatyr.
Jarystyń saltanatty ashylý saltanatynda Birikken kúres álemi (UWW) Bıýrosynyń múshesi jáne dástúrli kúres stılderi komıtetiniń prezıdenti Marııa Iаkshı Rodıka men Qazaq kuresi Assosıasııasynyń bas dırektory Erbol Myrzabosynov sportshylardy quttyqtap, sáttilik tiledi. Sodan keıin qazaq sportynyń ardageri Marat Jaqıt balýandarǵa aq batasyn berip, olardy jeńiske jigerlendirdi.
Jarys baǵdarlamasyna sáıkes jasóspirimder men jastar, árqaısysy 5 salmaq dárejesinde kil myqtyny anyqtaıdy. Al eresekter 12 salmaq dárejesinde (erler – 8, áıelder – 4) beldesedi. Álemdik doda aıasyndaǵy eresekterdiń erler synynda ulttyq quramanyń ókilderi – Bekjan Tólepov (55 kg), Marat Nıgmatýllaev (60 kg), Nur Amanshúkirov (66 kg), Jumajan Qojambekov (74 kg), Aıdyn Dartaev (82 kg), Toqtarbek Aıdarbek (90 kg), Marat Baıqamurov (100 kg) jáne Nurdáýlet Jarylǵapov (+100 kg) el namysyn qorǵaýda.
Chempıonattyń birinshi kúni eresek sportshylar jarys jolyna shyqty. Atap aıtqanda, erler 82, 90, 100 jáne +100 keli salmaqta beldesti. Al áıelder 75 jáne +75 keli salmaqta saıysqa tústi.
Birinshi kúnniń qorytyndysy tómendegideı:
82 kg
I oryn – Aıdyn Dartaev (KAZ)
II oryn – Ýmıd Esanov (UZB)
III oryn – Amır Sheıh Hosseını (NED)
III oryn – Hamroz Rajabov (TJK)
90 kg
I oryn – Tomash Shepanıak (POL)
II oryn – Jamalbek Asylbekýýly (KGZ)
III oryn – Toktarbek Aıdarbek (KAZ)
III oryn – Ivan Kozov (MDA)
100 kg
I oryn – Marat Baıqamurov (KAZ)
II oryn – Bahrıddın Abdýraımov (UZB)
III oryn – Alekseı Lysenko (POL)
III oryn – Davaabat Sogbaatar (MGL)
+100 kg
I oryn – Nurdáýlet Jarylǵapov (KAZ)
II oryn – Bekbolat Toktogonov (KGZ)
III oryn – Gıorgıı Chagelıshvılı (GEO)
III oryn – Mýhsın Hısomıddınov (UZB)
Bul kúngi názik jandardyń nátıjesi tómendegideı:
75 kg
I oryn – Batseseg Sog-Ochır (MGL)
II oryn – Deborah Vos Kaılı (NED)
III oryn – Fılýra Ergashova (UZB)
III oryn – Sahbaz Senanýr (TUR)
+75 kg
I oryn – Nagıra Sarbashova (KGZ)
II oryn – Kebadze Elene (GEO)
III oryn – Rahıma Iýldoshova (UZB)
III oryn – Móldir Azamat (KAZ)
Aıta keteıik, Qazaq kuresi Assosıasııasy bıyl Birikken kúres áliminiń (UWW) quramyna engen bolatyn. Aldaǵy ýaqytta barlyq halyqaralyq jarystar UWW-men birlesip ótkiziledi.
Qazaq kuresi Assosıasııasy qazaq kúresinen Álem chempıonatyn QR Mádenıet jáne sport mınıstrliginiń, «Samuryq-Qazyna» ulttyq ál-aýqat qory» aksıonerlik qoǵamynyń, «Týrızm men sportty qoldaý jáne damytý qory» korporatıvtik qorynyń, «Sátti juldyz» biregeı lotoreıa operatorynyń jáne Dene shynyqtyrý jáne buqaralyq sport Akademııasynyń qoldaýymen uıymdastyryp jatyr.
