Búginde eGovMobile qosymshasyn 13 mln adam paıdalanyp, 17 mıllıonnan astam qyzmet kórsetildi. 26 qyzmet proaktıvti formatta kórsetiledi.
Platformalyq modelge kóshý úshin «QazTech» otandyq platformasyn qurý boıynsha bulttyq tehnologııalarǵa kóshý kezeńi iske asyrylady.
«Áleýmettik qorǵaý» baǵyty aıasynda «Otbasynyń sıfrlyq kartasy» pılottyq rejımde iske qosyldy. Qazirgi ýaqytta 80 krıterıı boıynsha 6,5 mln otbasyna monıtorıng júrgizildi. Kelesi jyly ony óndiristik paıdalanýǵa qosý josparlanyp otyr.
«Jańa sıfrlyq múmkindikter baǵyty boıynsha barlyq qalalar men aýdan ortalyqtarynda keń jolaqty Internetti qamtamasyz etý josparlanǵan. Búgingi uıaly baılanys boıynsha jaǵdaıǵa toqtalsaq, 3G tehnologııasy boıynsha 3 myńnan astam eldi meken, 4G – 1 628 eldi meken qamtylǵan», dedi Sıfrlyq damý, ınnovasııalar jáne aeroǵarysh ónerkásibi mınıstri.
Mys kabelimen ótkizilgen symdy baılanys 34%-dy, al optıka 26%-dy qurap otyr. Álemde mys kabeli men 3G tehnologııasynyń eskirýin nazarǵa ala otyryp, 2027 jylǵa deıin olardy túpkilikti aýystyrý jumystary júrgiziledi.
Sondaı-aq mobıldik 4G tehnologııa 100%-ǵa jetkizilip, optıka ınfraqurylymy 90%-ǵa arttyrylady.
Sonymen qatar 2027 jylǵa deıin 5G tehnologııasynyń Astana, Almaty jáne Shymkenttegi úlesi 75%-ǵa, al oblys ortalyqtarynda 60%-ǵa kóteriledi.
Baǵdat Mýsınniń aıtýynsha, kelesi mańyzdy is-shara – bul respýblıkalyq jáne basty oblystyq mańyzy bar joldardy uıaly baılanys pen ınternetke qosý.
«Qazirgi kezde ınternet osy joldardyń 25%-da ǵana qosylǵan. Al, uıaly baılanys 86%-dy quraıdy. 2027 jylǵa deıin osy joldardyń 100% ınternetpen jáne uıaly baılanyspen qamtylatyn bolady», dedi vedomstvo basshysy.
Sıfrlyq damý, ınnovasııalar jáne aeroǵarysh ónerkásibi mınıstriniń aıtýynsha, bul is-sharalar «Qoljetimdi ınternet» ulttyq jobasy sheńberinde júrgizilip, operatorlarǵa berilgen salyq preferensııalary men olardyń ınvestısııalary negizinde qarjylandyrylyp, respýblıkalyq jáne jergilikti bıýdjet shyǵyndarymen tolyqtylyrady.
Aqparattyq-kommýnıkasııalyq tehnologııalar salasynda 25 myń jumys orny qurylady. Al ekonomıkanyń jyl saıynǵy óniminiń ósýine sıfrlyq tehnologııalardyń qosatyn úlesi 1%-ǵa deıin jetkiziledi. Iаǵnı, bul jerde jyl saıynǵy ekonomıkanyń ósý dınamıkasyna AKT-nyń qosqan úlesin búgingi 0,3%-dan 1%-ǵa deıin artady.
Onyń sózinshe, bul úshin aıtı mamandaryn 3000 vaýchermen qoldap, barlyq qalalarda óńirlik tehnologııalyq habtardy ashýmen qatar, elimizge sheteldik kompanııalardyń «relokasııasy» qoldaý tabady.
2023 jyldan bastap áleýmettik osal toptaryndaǵy otbasylardan shyqqan oqýshylarǵa kompıýterlerdi jalǵa berý baǵdarlamasy bekitiledi. Kelesi jyly 20 myń bala qamtamasyz etiledi.
Memleket basshysynyń Joldaýyna sáıkes aýyl sharýashylyǵy jerlerin memleketke qaıtarý jáne tıimdi qoldanýdy monıtorıngileý úshin Qazaqstan ǵarysh sapary negizinde JerInSpectr platformasyn 1 shildeden bastap iske qosyldy. Platforma jer paıdalanýdaǵy buzý faktilerin anyqtaý jáne sharalar qabyldaýǵa baǵyttalǵan.
«Aldaǵy ýaqytta memleketke qaıtarylǵan jerlerdiń ashyq ári ádil bólinýin qadaǵalaý úshin AGROSPACE aýyl sharýashylyǵy óndirýshileriniń platformasy qurylady. AGROSPACE-te jeke kabınet negizinde óristerdiń jaı-kúıin baqylaýǵa múmkindik beredi», dedi Baǵdat Mýsın.
Saılaýaldy Prezıdent baǵdarlamasyna tıimdi monıtorıng jasaý úshin 2023 jyly jobalyq basqarý júıesi iske qosylady.
