Túnde saǵat 03.30 - 04.00 shamasynda «О́skemen-Altaı-Katonqaraǵaı-Rahmanov kiltteri» respýblıkalyq mańyzy bar avtojolynyń 62-63 shaqyrymdarynda qar kóshkini ózdiginen tústi. Osyǵan baılanysty, Ýshanov aýylynan Altaı qalasyna deıingi ýchaskede avtokóliktiń barlyq túri úshin qozǵalys shekteldi. Jolshylar dereý qar tazalaý jumystaryna kiristi. Qysqy kútip-ustaý jumystary áli de jalǵasýda. Jumystar táýlik boıy kúsheıtilgen rejımde júrgizilýde. Máselen, qazir ShQO aýmaǵynda 90 birlik arnaıy tehnıka men 130 jolshy maman eńbektenýde.
Sonymen qatar jolshylar qar qursaýynda qalǵan júrgizýshilerge kómek kórsetip jatyr. Máselen, kúndelikti patrýldeý aıasynda jolshylar «О́skemen-Altaı-Katonqaraǵaı-Rahmanov kiltteri» respýblıkalyq mańyzy bar avtomobıl jolynyń 54 shaqyrymynda buzylyp, jolda qalyp qoıǵan jeńil kólikti tapty. Jolshylar bul kólikti Severnoe aýylynda ornalasqan jyly boksqa súırep aparyp, kólik júrgizýshisine kólikti jóndeýge kómektesti.
