Osyǵan deıin Mádenıet jáne sport mınıstri Dáýren Abaev «Avatar. Sý joly» fılmi qazaq tilinde úlken ekrannan kórsetiletinin, jyl sońynda qalyń kórermenge jol tartatynyn aıtqan.
«Biz fılmderdi dýblıajdaý baǵytynda aýqymdy jumystar júrgizip jatyrmyz. Sizder bilesizder, «Avatar» jáne «Qara pantera: Vakanda jasasyn!» fılmderi qazaq tiline dýblıajdaldy. Al jyl sońyna deıin «Avatar. Sý joly» fılmi aýdarylyp qazaq tiline dybystalatyn bolady. Bul jumysty júzege asyrý úshin jyl saıyn 300 dýblıaj akteri eńbek etýde. Búginde qazaq tili dýblıajdaǵy ekinshi túrki tili retinde daralanyp, Blu-Ray-da kórýge bolatyn Gollıvýd fılmderiniń negizgi jeti tiline endi», dep atap ótken bolatyn.
Aıta keteıik, aradan kóp ýaqyt ótpeı atalǵan fılm úlken ekrandarda qazaqsha sóıleı bastady. Kınosúıer qaýym 15 jeltoqsannan bastap «Avatar. Sý joly» fılmin elimizdiń barlyq kınotearlarynan tamashalaı alady.
