Jastar jáne otbasy isteri komıtetiniń Taldaý jáne monıtorıng basqarmasynyń jetekshisi Lıazzat Qabı «Baıandamada keltirilgen derekterdi taldaý jáne usynystar steıkholderlerge jastarmen jumysty sapaly deńgeıde júzege asyrýǵa kómektesýi kerek», dep atap kórsetti. Onyń sózinshe, statıstıkalyq jáne áleýmettanýlyq derekterdi sıntezdeý jastar ortasyndaǵy aǵymdaǵy jaǵdaıdy keńirek jáne shynaıy qarastyrýǵa múmkindik beredi.
О́z kezeginde avtorlar ujymynyń músheleri negizgi trendter men problemaly máselelerge nazar aýdardy. Máselen, «Ekonomıkalyq zertteýler ınstıtýty» AQ Turaqty damý maqsattary hatshylyǵynyń dırektory Bahytgúl Hambar «Qazirgi jastardy qoldaý baǵdarlamalary jahandyq naryqtaǵy ózgeristerdi jáne jastar jasyn 35 jasqa deıin ulǵaıtýdy eskere otyryp, tolyq qaıta qurýdy qajet etetinin» atap ótti.
M.Nárikbaev atyndaǵy QazMZÝ Joǵary quqyq mektebiniń Qylmystyq sot tóreligi departamentiniń professory Oksana Voznıak bıylǵy baıandamada jastar qaýipsizdiginiń mańyzdy máselesi, ásirese jastarǵa qarsy jasalǵan qylmystardy baǵalaý jáne monıtorıngileý kórsetilgenine toqtaldy.
«Qazaqstan jastarynyń qundylyqtary áli de beısaıası salada jatyr jáne azamattyq-saıası problematıkamen tikeleı baılanysty emes. Qundylyq qatarynda birinshi oryndarda otbasy (83,3%), densaýlyq (64,2%), dostyq (40,7%), materıaldyq qamtamasyz etilgen ómir (39,3%), mahabbat (22,8%), qyzyqty jumys, mamandyq (19,6%) jáne bilim, oqý-aǵartý (19,5%) turaqty oryn alyp otyr», dedi E.Bóketov atyndaǵy QarMÝ Saıasattaný jáne áleýmettaný kafedrasynyń assıstent-professory Anara Maqatova.
