«AMANAT» partııasynyń «Jastar Rýhy» jastar qanatynyń belsendileri Álıhan Bókeıhan, Ahmet Baıtursynuly jáne Mirjaqyp Dýlatuly eskertkishine gúl shoqtaryn qoıyp, olardy bir mınýt únsizdikpen eske aldy. Uıymdastyrýshylardyń aıtýynsha, «Táýelsizdik – ult rýhynyń dińgegi» aksııasy – Azattyq jolynda qurban bolǵan «Alash» qozǵalysynyń uly qaıratkerlerine kórsetilgen qurmet.
«Jastar Rýhynyń» tóraǵasy Nurjan Jetpisbaevtyń aıtýynsha, Táýelsizdik – halqymyzdyń qasterli qundylyǵy ekenin jastar qaýymy jaqsy túsinýi tıis.
«Táýelsizdik – elimizdiń árbir azamaty úshin qasıetti uǵym. Sonyń arqasynda Qazaqstan jemisti jetistikterge qol jetkizdi. Bostandyq ulttyq rýhymyzdyń «ózegi» ekenin jastar qaýymy tereń túsinse deımiz. Memleket basshysy Qasym-Jomart Toqaev atap ótkendeı, Alash qaıratkerleriniń derbes memleket bolyp, jer júzimen terezesi teń qatynas ornatý jónindegi arman-maqsaty júzege asty. Táýelsizdikti nyǵaıtý jáne memlekettilikti qorǵaý – tarlan tarıh pen bolashaq urpaq aldyndaǵy paryzymyz ekenine senimdimin», dedi Nurjan Jetpisbaev.
Osyndaı is-sharalar elimizdiń barlyq óńirinde ótti.
