– Memleket basshysy júktegen mindet – HHI ǵasyrdaǵy adamǵa baǵdarlanǵan polısııa. Onyń ólshemi – halyqtyń senimi. Halyq sengen kezde tyǵyz baılanysta bolady, sonda ol polısııa jumysynyń tıimdiligin kóre alady. Jalpy jobany biz «servıstik model» dep ataımyz. Búgingi mindet – jyldam ári sapaly qyzmet kórsetý, dedi Marat Ahmetjanov.
Sondaı-aq vedomstvo basshysy «Servıstik ortalyqtardyń maqsatty aýdıtorııasy kim bolady?» degen suraqqa jaýap berip, ózara árekettesýdiń naqty qurylymyn qurý jáne fýnksııalardyń qaıtalanýyna jol bermeý qajettigin atap ótti.
Stasıonarlyq polısııa ǵımarattarynda barlyq negizgi qyzmetter shoǵyrlanǵany aıtyldy. Sonymen birge bul ǵımarattardyń rejımdik túrde bolatyny umyt qalmady. Olarǵa qoljetimdilik shekteýli. Buryn front-keńseler ashylǵan edi, biraq olar polısııanyń qabyldaý bólimderi men anyqtamalyq bıýrolarǵa aınaldy, onda adamdardyń naqty problemalary sheshilmeýi múmkin.
Sondyqtan ártúrli aýdıtorııaǵa polısııa qyzmetin kórsetýdiń úsh deńgeıli modelin qurý usynylady. Birinshisi – jolaýshylar nemese ótkinshi adamdar. Olar úshin qoǵamdyq oryndaryndaǵy modýldik beketter jumys isteıdi. Ekinshisi – ýchaskelik polısııa pýnktterine júginetin aýdan (aýmaq) turǵyndary. Úshinshisi – ákimshilik jáne qylmystyq ister boıynsha sheshimdermen kelispegen adamdar, quqyq buzýshylar, qyzmet alýshylar.
Azamattardyń ótinishterin qarastyrý ǵana mańyzdy emes. Olar quqyqtyq tártip máselelerin jan-jaqty taldaýdyń negizderiniń biri bolýy kerek. Bul saladaǵy profılaktıka tek polısııa qyzmetimen shektelmeıdi. Ol úshin polısııanyń servıstik ortalyqtary janynan ártúrli vedomstvolardyń quqyq qorǵaýshylarynan, ákimdikter qyzmetkerlerinen jáne qoǵam belsendilerinen turatyn qaýipsizdikti qamtamasyz etýdiń vedomstvoaralyq toptary qurylady.
Qaýipsizdik máselelerin sheshý mınıstrlikter kabınetterinde emes, jergilikti jerlerde júzege asyrylady. Buǵan jurtshylyq tikeleı qatysady. Bul «problemaǵa baǵyttalǵan tásil» dep atalady.
Sonymen qatar kezdesýde qalada beınebaqylaý júıelerin damytý jáne jeke júıelerdi biryńǵaı dıspetcherlik pýnktke ıntegrasııalaý talqylandy.
