Forýmnyń kezekti sessııasynda kreatıvti ındýstrııanyń mańyzdylyǵy, onyń damý joldary aıtyldy. О́z kezeginde sóz alǵan Altaı Kólginov Kreatıvti ındýstrııanyń Orta Azııa elderindegi jáne Qazaqstandaǵy damý joldaryna toqtalyp ótti.
«Qazir eń qarqyndy damyp jatqan zamanaýı salanyń biri - kreatıvti ındýstrııa. Ol óziniń jedel damýymen erekshelenýde. Ortalyq Azııanyń kreatıvti ındýstrııany damytýda múmkindigi zor dep esepteımiz. Al, Qazaqstanda 2021-2025 jyldarǵa arnalǵan elimizdegi kreatıvti ındýstrııany damytý tujyrymdamasy qabyldanýda. Oǵan kóbinese jastar qamtylǵan, sondaı-aq damyǵan kompanııalar da atsalysýda», dedi A.Kólginov.
Onyń aıtýynsha, kreatıvti ındýstrııany Qazaqstanda damytýdyń sharalary daıyndalyp jatyr. Sonymen qatar shetelge eksportqa baǵyttaýda da kóptegen sharalar qabyldanýda. Bul salany damytý úshin Taıaý shyǵystaǵy qoldanylǵan tájirıbelerdi qoldanýǵa bolady.
Sondaı-aq sóz sońynda Birinshi Orta Azııa medıa forýmy elder arasyndaǵy yntymaqtastyqty damytýdaǵy úlken platformalyq jol bolatyny aıtyldy.
